Ua i ai suiga lelei

By Vatapuia Maiava ma Ilia L Likou 08 November 2016, 12:00AM

O le  finagalo o le tamā i a Galoi Faoliu o le afio’aga o Vailu’utai i le fa’atalatalanoaga ma le Fofoga o Samoa i le aso ananafi na ia ta’ua ai le sologa lelei o le tele o vaega i totonu o le afio’aga.

Na ia fa’ailoa e ui ina tele suiga o lo’o ua i ai i le taimi lenei ae o lo’o fa’atino le tele o vaega uma nei mo le lelei aua le aga’i i luma o le lautele o le atunu’u.

E afea e le Fofoga o Samoa le tamā o lo’o galue i tafāala aua le fa’amatagofieina o lumāfale o le aiga ma o se galuega na ia ta’ua e fesoasoani ai i le tinā o le aiga lea o lo’o tele ina gafa ma le fa’atinoina o le fa’amatagofieina o luma o le fale i aso uma.

“Ia o le afioaga nei e leai lava se mea o fa’aletonu o lo’o lelei mea uma i le pulega a ali’i ma faipule ma e ui lava ina i ai nai fa’afitauli ia ae o lo’o fa’atinoina lava tiute aua le sologa lelei ai pea i aso uma le va nofo lelei ai o le to’atele.

 “E tau mai o lea e tau teuteu atu le nu’u nei mo le Kirisimasi aua ua tu lata fo’i i aso fiafia ia e lelei lava le taunu’u mai o le au asiasi o lo’o lelei atu uma mea uma o lo’o matagofie atu si o tatou atunu’u.

“O lo’u iloa i ai i le taimi lenei ia ua tele lava le suiga ua i ai si o tatou atunu’u ma o le tele lava o vaega e lelei, ia o mea lelei ae ua mafua ona leaga  talu ai tagata ma o latou uiga.

“E moni lava o aso ia sa taugofie le olaga, ia sa le tele ni atina’e ina vaitau ae o nei aso ia ua feololo nai seleni o lo’o maua.

“Ia e pau o le mea taua, ia afai lava e taugata ia o lea e fua le ulu e le fa’apea o fia’a’ai Samoa e pei o atunnnu’u i fafo.

“Ia o la aso, o le taimi lenei e le’i vela le fa’alifu ma le koko, ia uma lena aso.

“E pei o le tele o aiga i le Aso Sa a maua se fagusea ma se i’a, aua o mea ia e maua , e maua fua le talo maua fua le i’a , tuitui ma le sea ma loli, ia o lena lava e  fai ai le to’ana’i.

“O totonu lava o si o matou nu’u ia  o mea masani lava i totonu o ekalesia ma afio’aga , ia ua tele ua oi i mea o le Talalelei, ae o mea e ao ona fai le tautuaina o galuega a le Atua.

By Vatapuia Maiava ma Ilia L Likou 08 November 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>