Ia fa’amalolosi
O Tamati Te’o o se tasi o faiaoga Aso Sa a le Ekalesia Metotisi i Leulumoega.
Ina ua maua le fa’atalatalanoaga ma le Fofoga o Samoa i le aso ananafi na ia fa’ailoa ai le tulaga e fa’apea ‘o totonu o ekalesia o se tasi lea o vaega o le soifuaga o le tagata e tatau lava ona ave ai le fa’amuamua a matua e una’ia ai fanau’.
“Ia e pei ona ou fa’ailoa muamua atu o a’u ou te faiaoga Aso Sa ma o le ekalesia lava lea na ou ola ane ai fo’i a’u ia."
“O lea la ua ou matua ma ou filifili ai ofo ina lo’u taimi mo le Atua e fa’aaoga tatau ai le malosi ma avea ai a’u ma faiaoga Aso Sa."
O le taimi lenei o lo’o fesoasoani o ia i lona aiga.
“Ia o lea ou te alu atu i ga’uta i le ma’umaga e tapena mai le fa’apusa e tapena ai le to’ona’i a tamaiti taeao ia ma le faifeau."
“Na ou ola ane lava a’u ia o vaega taua lava nei a nai o’u matua e tapena ai, ona la o a’u lava e matua i tama, ia o lea ua ou fa’aauauina ai lava lea tulaga."
“Ona o le va’ai alofa fo’i matua ua matutua."
E i ai lona talitonuga e tele le sao taua o le ekalesia i lona olaga.
“Ia e leai lava se i si e atoatoa i lona olaga, e le fa’apea fo’i a o matou le lotu ona atoatoa ai lea, ae o le taumafai lava."
“E i ai fa’afitauli, ae ia o’o mai fa’afitauli ae lae e iloa ona tatalo i le Atua e fesoasoani mai."
“O lo’u iloa lea i ai i le mafua’aga e tele ai nai fanau ma tupulaga talavou e i’u i le pule o le ola ona e uma loa le malosi o le lalolagi uma lea."
“Ae a to’aga lava i le lotu, ia e fa’alogo atu lava lae fai mai le faifeau e aua ne’i galo ona tu’uina atu i luma o le Ali’i manaoga."
“O a’u lava ia, e ala la na fa’avaivai le tele o ola e auauna i ekalesia i le Atua ona ua va’ava’ai fua i isi, ae a e alu lava oe e te galue mo le Atua ia e filemu lava mea uma."
“Ia o lea lava fo’i apoapoaiga a matua, a o’o ina matua ma fai se aiga, ia to’a’aga le lotu, a le lava le fa’asoa ia fa’amisi nisi mea fa’alelotu i le isi aso, a eave mea e tatau ai le fa’amuamua."
O Tamati o le lona 5 ole fanau e to’afitu a ona matua.