Fa’amoemoe mea uma i le Atua

Tusia Vatapuia Maiava ma Ilia L Likou ,

119 Hits

Pi’ilua Muliaga.

Pi’ilua Muliaga.

O le ola ma le soifua galuea o le tinā i a Pi’ilua Muliaga i totonu o le afio’aga o Salelavalu, o lona talitonuga o le mafua’aga lea o le fa’afualoa o le Atua o lona soifua.

O le taimi lenei ua 74 le matua o lona soifua.

Ia o le sami lava o lo’o ola ai a’u ma la’u fanau ma o se galuega na ola mai ai lo matou ia aiga i le tele o aso ua alu.

Ia o le sami lava o lo’o ola ai a’u ma la’u fanau ma o se galuega na ola mai ai lo matou ia aiga i le tele o aso ua alu.

“O a’u o le lotu lava, o le a lava le tulaga e ta’u mai i a te a’u o mea fai o le lotu e alu lava i ai lo’u mafaufau ma se’iloga lava e fai fa’atoā ou fiafia fo’i.

“Na maliu si o’u tamā, o lana tapatapa lava lea, ia tautuana le galuega a le Ali’i ma o lo’o o’u ola mai fo’i o lo’o o’u mulimulita’i lava i ai i le taimi lenei.

“Ia o le sami lava o lo’o ola ai a’u ma la’u fanau ma o se galuega na ola mai ai lo matou ia aiga i le tele o aso ua alu. 

“O le sea, o si a’u tama teine e lama sea ma e manuia lava mea uma, o lea fa’atoā ou sau lea i le maketi ae tele lava ina tuli a’u e le tele e fa’atau mai ai sea.

Ia o le sami lava o lo’o ola ai a’u ma la’u fanau ma o se galuega na ola mai ai lo matou ia aiga i le tele o aso ua alu.
Ia o le sami lava o lo’o ola ai a’u ma la’u fanau ma o se galuega na ola mai ai lo matou ia aiga i le tele o aso ua alu.

“O le sea o lo’o fai ai la’u matafale, e fai uma ai a’u mea fa’alelotu, o le fa’amoemoega lava lea o a’u.

“E mo le silafia o le sea ua maua ai le fale apa muamua i lona fa’atauina.

“E faigata tele lea faiva, ia e fai sina maomao le sami, ia e a’e mai le lama sea, ia ave i uta le sea ua tu’u i totonu o paelo, aua e fai o le alu e lama ae o le tele fo’i o vaega e fa’atinoina pe ā a’e mai, ia a sua le tai ia e mata le sea ma o se fa’afitauli i le tele o aso.

“E  tai $30 le tau o le fagu sea, a fa’apea a ou sau na’o a’u le fa’atau sea, ia e na o le sau lava o’u toe alu, ma e tele lava ina omai nisi fai a latou oka pe fa i le lima fagu sea i le tele o aso.

“Ia o Samoa e mativa lava i isi mea ae lelei fo’i i isi itu.

“O aso la pe a fa’atusatusa atu i nei onapo, e maua le falaoa i le 40sene ia o nei aso ia e leai.

“O a’u ou te fiafia tele e fai mea fa’alelotu, o lo’o fa’afofoga mai le Ali’i ou te le popole.

“Ia o le isi tulaga lelei ma ua ou masani o le tausiaina o faifea’u, ia e tele lava ina tuli ma tamaiti a musu le tamaiti ou te fai ai – ‘lona uiga tou te le mana’o i manuia mai le faife’au?

O lo’u agaga o mea fa’alelotu e fa’amuamua, aua na ola mai ai lava i tua’a ua mavae atu nei.

© Samoa Observer 2016

Developed by Samoa Observer in Apia