Fa’alagolago i le sami

Tusia Vatapuia Maiava ma Ilia L Likou ,

160 Hits

Lua Afasene.

Lua Afasene. (Photo: Vatapuia Maiava)

Na fa’ailoa e le tinā i a Lua Afaese i le Fofoga o Samoa o lona aiga o lo’o fa’alagolago lona tausiaina i le sami.

“Ia o sea, vaga, aliao, faisua, limu o lo’o tele ina ou fa’atauina i le tele o aso i’inei.

“E pei o le tamā lava  o le aiga  o lo’o fa’alagolago ai vaega uma i le tausiga o le aiga ma le alu e fagota.

“Ia pe ta loa le sefulu lua i le po e pe ai le tai e pei o le taimi lea e maua mai ai faisua ma le ali’ao...ia ua alu le tamā e lama ia ma o’o i le taimi o le  afiafi ona alu loa lea e fai limu ma sea.

“O lo’u iloa i ai e  faigata  le fagota pe ā fua i taimi e usu ai, o le limu ia e aumai fa’amāmā lelei, ave’ese lea o ma’ama’a ma le a’a. “Ia o le ali’ao e ta’e i tai le sami le atigi ia ona aumai lea ua tipi i totonu o le fagu, e o’o fo’i le faisua e pei tau le lelei se moe o le tamā o le aiga i aso uma.

“Aua o si o matou aiga, ua na’o ma’ua ma le fanau e to’afitu ae leai se isi e faigaluega.

“Ae o le finau lava, e fesoasoani mai fo’i le Atua pe ā fesoasoani muamua lava tatou i a’i tatou.

 ‘Ia a alu le tamā o le aiga  e fai mai le sea, ia e aumai fa’amoe i totonu o le va’a, ia a ta loa le lima i vaveao ona tipi loa lea ma aumai e fa’atau i le maketi.

“Ia ua leva ona fai e le tamā lea galuega, ma o lea lava le tulaga o lo’o tausi ai le aiga aemaise le fanau.

“Ia o le soifuaga o lo’o i ai le taimi nei ia o le aso ua alu i luga le tau o oloa, o le aso ua toe alu i lalo, e le faigofie le tau sailiga o tupe maua i a te a’u lava ia.

“Aua e pei ona ou ta’ua e to’afitu le fanau, ma o se vaega o lo’o  ave ai le fa’amuamua ma e pei o le sami lava o lo’o ola ai le aiga.

“ Ia o le sefulua’i se tasi o vaega taua ma ou te iloa lava e a’u ia o ala nei o fa’amanuiaga.

© Samoa Observer 2016

Developed by Samoa Observer in Apia