Ua tausagā foi le tautua

Tusia Fetalai Tuilulu’u ma Aruna Lolani ,

86 Hits

 Losi Leo, 69,  Nofoali’i ma Saleimoa.

Losi Leo, 69, Nofoali’i ma Saleimoa.

O le maitau lava i lenei olaga, a iai se matua tausi i totonu o aiga, o le fanau lava e fa’amoemoe le tausi ina o nei tagata. 

 Ae a leai se fanau leai se to’alua ia ua iai lava le fa’afitauli o le faigata le olaga. 

O lea le manatu o Losi Leo o Nofoali’i ma Saleimoa i le la fa’atalatalanoaga ma le Fofoga o Samoa. 

“Ia fa’afetai lava i le Ali’i ua maua le tatou fa’atalatalanoaga  o lo’o tata lava le fatu,” o lana lea tala. 

“Ia pei ona tau mai le tou polokalame ia o lo’o aga’i atu foi e mai nai fuala’au ua fa’aletonutonu foi le malosi. 

“Ia o a’u e leai se to’alua leai foi se fanau, ae o lo’o ma nonofo fa’atasi ma si o’u tuafafine matua ma lana fanau ma lona aiga i Nofoali’i nei. 

“Ia o a’u ua ou le toe galue nei lo’u maumaga ona ua ou ma’i. Ua lua nei vaiaso talu na ou ma’i ma ua le mafai ai lava ona ou toe fealu a’i. 

“E mo’i lava o lo’o o’u nofo lava i lo’u aiga ae iai lava le manatu le na  e le mafai ona ou fa’alagolago tele foi si o’u tuafafine ma lona aiga. 

“Ou te galue lava a’u ia e fesoasoani ia o auala nei o lo’o mafai ai ona fesoasoani o le maumaga lava ma le sami. 

“Ia o le tele o aso ou te alu ai le maumaga ae uma mai foi le maumaga ua au le sami ia o le meaai lava ma sina seleni. 

“Pau lava le aso e mautinoa e maua ai le seleni pe a tala la’u penisione ae o aso uma lava e fa’amoemoe lava le maumaga ma sina i’a mai le sami.

“Ua o tatou iloa lava e le tatau ona toe fa’atu’utu’u nisi i nei aso, ona o nei aso ua leaga.

Na ia fa’ailoa o le isi tulaga o lo’o ua feagai ai nei o le taugata o le tau o le soifuaga pe a fua atu i aso ua alu.

 “Ia ua maitauina lava i nei aso le ese’ese o aso ua alu ma nei aso.

 “O aso la e pei sa le ano tele tagata, ae a maua lava le ma’umaga ia o lena lava, aepeitai ua ese ma nei aso ua o tatou i ai.

 “Ia o le galue lava, a tele fo’i le faitio ma nofonofo ia o le a faigata mea uma.

 “O tatou aiga, e taua tele mo i tatou ma e ao lava ina o tatou fa’ailoa mea uma ma galulue aga’i ai mo le aga’i le lumana’i.

© Samoa Observer 2016

Developed by Samoa Observer in Apia