Manatu O Le Fa’atonu - Faaitiitia o tupe alu e le tatau ai

Tusia Mata'afa Keni Lesa ma Faaliliu e Seagaitumua Tupuola ,

121 Hits

O se mataupu vevela i luga o tala fou i lenei vaiaso le mea moni e faapea o le tau o le soifuaga ua toe faatetele  foi i totonu o lenei atunuu.  Ona o le tau o oloa tau taumafa masani ua sili atu ona taugata ia te outou ma ua matua sasa pala le ‘au-matitiva ma ua avea ma mea ua sili ona faatiga-ma o le mea moni ua amata ai ona tatou mafaufau i ni faiga e faaitiitia ai tupe faaalu a le malo –ina ia mafai ai ona maua nisi o faamanuiaga e tagata o lenei atunuu. 

O loo ta’oto iina le mea moni ina ia mafai e tagata uma ona vaai i ai. E ui lava ina leai se tasi ua na faailoa mai so’o se mea i le tami nei, ae o se siitaga e ala i le lafoga faatiga e igoa o le V.A.G.S.T. lea na te le’i ‘ausia le tulaga o mea e ono mafai ona fai. O lea mea-o se mea mulimuli lea e manaomia e tatau o lenei atunuu. 

I lenei la Aso, tatou mafaufau i nisi auala ia e mafai ai ona tatou faasaoina tupe a le atunuu-ia e ono mafai ona aoga i se tasi itu e faaitiitia ai le tau o le soifuaga-ina ia mafai ai ona faaitiitia le tiga o lea tulaga mo le vaega e aupito i sili ona toatele o le atunuu-e sili ona afaina ai.  O lea matou te talanoa atu e uiga i tagata matitiva ma tagata o le atunuu o i le vaega maulalo o le apefa’i tau tamaoaiga. Ona aumai ai lea ia i tatou o se fesili sa matou fesili atu ai muamua ma o lea foi o le a matou toe fesili atu ai. O se mea tatau ‘ea nei mea o komiti faufautua i le malo? Ae tatou te le’i toe faagasologa atu teisi, matou te loto e toe faamamafa atu e faapea matou te talitonu e manaomia e le malo se fautuaga lelei ina ia ona mafai ai ona ni faaiuga lelei e uiga i mataupu ma faiga faavae ia e afaina ai le atunuu. 

Ae peita’i-o le a le tele o le fautua e mafai ai ona faapea ua lava ma o se fautuaga lelei? O le a le tele o tagata fautua e manaomia e le malo e faia nei faaiuga? Ma o le a le tele o tupe e manaomia ina ia totogi atu e tagata totogi lafoga-ina ia mautinoa ai ua maua e le malo fautuaga uma na te manaomia? Ia manatua foi, mafaufau i le anoano o tagata faufautua ia o loo totogi i ni aofaiga tetele o tupe mo le fautuaga lea e seāseā lava ona faaaogaina. I le taimi nei la –a pa’ia loa le fesili tau sui faufautua i totonu o nuu, matou te talitonu o i latou o tofiga faa-polokiki matou te le manaomia. A tatou talanoa la i ai, i se taimi ua mavae atu, na fesiligia e le Faipule o Falealupo o A’e’au Peniamina Le’avaiseeta –lea aoga o komiti faufautua. Na ia faaigoaina i latou e leai se aoga, ie le talafeagai ma e maumau ai le taimi ma tupe,” fai mai A’;e’au –o sui auai o ia komiti e ala ona fai ona o i latou o  “paaga totino”ma “uo” a le malo. Ia-e sa’o lava a ia. 

O komiti Faufautua i se tasi itu e aofia ai sui filifilia e avea ma mata ma taliga o le malo i totonu o le atunuu. I le taimi nei la, faatasi ai ma le latalata i le 150 nuu i totonu o Samoa, o lo latou auai ua matua tele tupe a lenei atunuu ua alu ai. Ma faatasi ai ma lena manatu i le mafaufau, o le finauga a ‘Ae’au o ia komiti faufautua e leai se aoga ma o le pogai lea ua tatau ai ona tu’u ma aveese. “O le tau o le fai o ia komiti faatonu ua toe tuu atu i sui o le atunuu lautele.” Ma-e le ona pau ai lena o ona popolega.

Na toe ta’ua e A’e’au e faapea o le “toatele lava o sui auai e leai se malamalama o i ai” e uiga i mataupu o loo latou feagai ai ma ua ala ona auai ona latou te lagolagoina le HRPP. “O se mea lea e le talafeagai ai. O tagata o le atunuu ia o loo faatupeina lo latou auai. O loo latou totogiina malaga i fafo ae ou te le iloa poo a latou mea e fai. O tupe na o loo faaalu i se faiga e le tatau ai.”

Fai mai lea faipule ua leva e tatau i le malo ona aveese uma latou i fafo ina ia mafai ai e Matagaluega ona faatino a latou galuega e aunoa ma le aiaina e le talafeagai ai.

“O le pogai lena ua ia i tatou ai tagata o loo umia ia tulaga sinia i totonu o ia Matagaluega,” o le faaaliga lea a A’e’au e faasino i Minisita o le Kapeneta,  Minisita Lagolago, Ofisa Sili o Pulega ma Sui Ofisa Sili, Ofisa Sili o Pulega ma latou tagata faigaluega ua “avea ma tagata poto masani. talenia ma mafai ona ia iloa ma e tatau ona sili atu lona iloa.” E taua le finagalo o A’e’au. Aisea tou te manaomia ai nisi faufautua i luga atu o tagata faigaluega o le malo ia ua uma ona alu ai le lima ma le vae o le atunuu? O le tulaga masani, e te ono faapea e teena e le Palemia o Tuilaepa Sailele Malielegaoi lea mataupu i lea taimi. Ma na ia teena lava. “Matou te le talia se fautuaga e tasi,”o lana tali mai lea. “Matou te faaaoga le tele o vaega o se fautuaga i le tulaga e mafai ai, e leai se mutaaga (i totonu o a matou taumafaiga) e saili ai le faaiuga e sili ona lelei ma talafeagai. A o’o i le taimi matou te faia ai se faaiuga lelei, e tatau ona matou faaaogaina fautuaga uma mai Ofisa Sili o Pulega, mai Komiti Faatino, Sui o le Palemene ma tagata o le atunuu. Ona lafo mai lea ia i matou e faatulaga ma fai le faaiuga e sili ona lelei.” 

 “O le pogai lea e taua ai le matafaioi a Komiti Faufautua.” Na teena foi e le Palemia le fautuaga e faapea ua lamatia Ofisa Sili o Pulega ma latou tagata faigaluega e Komiti Faufautua. 

 “O le Ofisa Sili o Pulega o le faauluuluga lea o le faalapotopotoga poo se matagaluega poo le a lava. Ua tuu atu latou iina mo se mafuaga. O Komiti Faufautua e galulue lava faapena o Faufautua.”I le taimi o felafolafoaiga, na puipuia e se sui o se tasi o komiti faufautua lo latou avea ma komiti faufautua. Na ia tusi e faapea o nei komiti o “mata mo le Matagaluega” ma e “anoano a latou galuega e fai”e faamaonia ai o latou tototogi i le ta’ilua vaiaso. 

Mo se faataitaiga, “o le galuega a le komiti,”fai mai a ia, “e aofia ai asiasiga tau le fuafuaina ina ia mautinoa ai le lelei ma le tulaga saogalemu o alamanuia faale-natura o loo i ai nei, ma tuliloa le faamalosia o faiga faavae tau le siosiomaga a le malo ma tulafgono e faasino i ai ma tulafono faatonutonu.” Na ia toe ta’ua: “O le mea o loo o’u taumafai e faamalamalama atu iinei e faapea e le o se mea ua i ai ma le faaaluina o tupe i komiti  e taua lea. E anoano galuega e tatau ona fai. O taimi uma lava e maopoopo lelei ai komiti ma tuuina atu le taitaiga lelei i ai.” Ia. Ae lelei ona tatou faamanatu atu i le tusitala iinei e fapea “o tupe e faaalu i komiti (e le afaina) lea. Ae o tupe a tagata totogi lafoga ma afai o faaalu le aoga e le malo, ua tatau loa ona taofi. O lo tatou tamaoaiga ua leva ona ona tauivi. Mafaufau i la tatou aitalafu i fafo lea ua matua sili atu i le $1.5 miliona. Ona toe mafaufau lea i le oti o le maketi mo oloa e auina atu i fafo. O le a le ituaiga o lumana’i o le a maua e lenei atunuu? 

Ua o’o mai le taimi mo le malo e amata ai ona matua tilotilo lelei i le faaitiitia o tupe soona faaalu e leai se aoga. Ma o le toe iloiloina o komiti faufautua o se amata lelei lea.  Aisea tatou te manaomia ai ia komiti ae o lea e totogi e le Malo pulenu’u ma sui o tamaitai i totonu o nuu talu ai nei lava? O le taunuuga moni o nei komiti o le a popoto (pe afai e mafai ona matou faaaogaina lea upu) i taaloga faa-polokiki e taofi ai pea nei tagata e lagolago i le malo. O Polokiki e faasino lea i le manumalo i le paoa ma tausi pea i ai i taimi uma lava e te mafaia ai. Ua iloa e le malo o taimi uma lava e te totogiina lelei ai nei tagata-o le a se’e ese mai o latou ala ina ia mautinoa ai o loo pepese nuu i le fatia a le H.R.P.P.-ia o’o maia le tausaga o le faiga-palota. Ma e te le manaomia ona avea oe ma saienesi o roketi e te iloa ai e o le mea tonu lava lea ua tupu i totonu o Samoa.  O loo faaaoga e le H.R.P.P. lea lava togafiti i totonu o le faafoeina o le malo. 

O le a se isi faiga e mafai ai ona e faamaonia o ia totogi mata’utia mo MInisita o le Kapeneta, Minisita Lagolago, Ofisa Sili o Pulega, Sui Ofisa Sili o Pulega ma alii ofisa sinia i  totonu o galuega a le malo?  

E le o se mea lilo le faapea o loo totogi e le malo ni aofaiga uiga ese o tupe e faatosina ai fai’ai maoa’e  o le atunuu i le vaega o pisinisi. E mafai faapefea e le ‘aufaipisinisi ona tauva ma na totogi? Ae i lena taimi-e le o le mataupu autu lena iinei. O le mea moni e faapea o le tau o le soifuaga ua matua uiga ese le taugata mo le toatele o tagata i totonu o lenei atunuu. 

E ui lava ina o loo i ai ni mea mai fafo e it ala atu o le pule a le malo, o se sao  maoa’e  i lenei tulaga o le aofai lea o tupe a le malo o loo faamaumau e ala i ia komiti e le tatau ai ma komiti faatino, ia ua tatau ona faataape nei loa lava. E anoano isi lava auala o loo faamaumau ai tupe a le malo ae matou te manatu o se amataga lelei lenei. A faapefea la outou? Tusi mai e faasoa mai ou mafaufauga ia i matou. 

Ia outou maua Samoa se Aso Faraile uiga ese, ma ia faamanuia atu le Atua!

© Samoa Observer 2016

Developed by Samoa Observer in Apia