Fa’ailoga mo se Faia’oga maualuga i le Iunivesete o Samoa

Tusia Fa’aliliu e Maiava ,

92 Hits

(Photo: SDNC)

Ua taua’aoina atu e le Vasega o le Ta’imua Samoa 2014 se fa’ailoga-tupe fa’atasi ma se Ipu ia Sinei Falefitu, o se vaega o le latou Poloketi mo le Atunu’u.

E $1000.00 le seleni ma le Ipu na maua e Sinei, i le avea ai ma tama’ita’i-a’oga na tulaga maualuga i le Fa’ailoga Tiketi mo le Fa’aSaienisi (BSc) i A’oga Maualuluga.   

O Sinei o lo’o avea nei ma faia’oga o le Fa’aSaienitisi i le Kolisi o Samoa ae o lo’o fa’aauau pea le sa’iliga o lona fa’ailoga tikeri (BSc) i le Iunivesete Aoao o Samoa. 

 “Ua filifilia e le Vaega o le Ta’imua mo Samoa 2014, e tu’uina atu se fa’ailoga fa’apitoa mo le faia’oga aupito maualuga o le tausaga fa’ai’u, i le mata’upu o le fa’aSaienitisi mo le fa’ailoga tikeri (BSc) mo A’oga Maualuluga. O le fa’amoemoe ‘autu, ia avea o se fa’atosina mo faia’oga o lo’o naunau e avea ma faia’oga o lea mata’upu i totonu o a’oga maualuluga,” o le fa’aaliga lea a Seumanu Douglas Ngau Chun, le Ofisa Sili o Pulega mo le Vasega o Ta’imua mo Samoa.

 “I le latou malaga asiasi i le 2014, na matua lu’itauina ai le Vasega o Ta’imua mo Samoa 2014, ona o le le-lava o faia’oga mo le mata’upu o le Saienisi i Samoa nei ae maise le anoanoa’i o fa’afitauli e alia’e mai ai mo Iunivesete ma le lumana’i o fanau a’o’oga. 

“O le tulaga lea na fa’aosofia ai loa le Vasega o le 2014, e mafaufau i se ‘auala e una’ia ai ma fa’amalosi’Au ai fo’i i tagata o lo’o a’oa’oina ia avea ma faia’oga o le Fa’aSaienisi.” 

Na tapena le Iunivesete Aoao ia ofoina atu le fa’ailoga tikeri (BSc) mo faia’oga i A’oga Maualuluga e a’o’oga ai, ma tonu ai loa i le Vasega o le 2014, e sili ona latou saunia o se fa’ailoga fa’apitoa mo le ali’i po’o le tama’ita’i aupito maualuga mo tausaga soso’o e lima, ina ia o-gatasi ai ma le polokalame lea. 

“O le agaga lava lea o sui uma o le Vasega o le 2014, ina ia fa’aosofia ai pea ma saga una’ia le tele o faia’oga ina ia tapena lelei mo le a’oa’oina lelei o tupulaga fai-mai o Samoa, e naunau i le mata’upu o le fa’aSaienisi.”

© Samoa Observer 2016

Developed by Samoa Observer in Apia