Fa’ailoa e le Matagaluega le Tulafono mo le Fa’alaloina o Manu ma le Saunia Lelei o A’ano o Manu-fasi

Tusia Mathias Huckert ma Fa’aliliu e Maiava ,

129 Hits

O le iai o tulafono fa’atonutonu fou mo le Fa’alaloina ma le Tapenaina o A’ano o Manu Fasi fa’atasi ma le sao o Ta’avale Fasi-manu, ua foufou atu ai le Vaega mo le Fa’ateleina ma le Tausia lelei o Lafumanu a le Matagaluega o Fa’ato’aga ma Faigafaiva, ina

O le iai o tulafono fa’atonutonu fou mo le Fa’alaloina ma le Tapenaina o A’ano o Manu Fasi fa’atasi ma le sao o Ta’avale Fasi-manu, ua foufou atu ai le Vaega mo le Fa’ateleina ma le Tausia lelei o Lafumanu a le Matagaluega o Fa’ato’aga ma Faigafaiva, ina

I le fa’aaliga talu ai nei o Lafumanu ma A’ano o Manu Fasi, na mafai ai e le Matagaluega o Fa’ato’aga ma Faigafaiva ona fa’alauiloa atu i le mamalu sa ‘auai, le Tulafono mo le Fa’alaloina ma le Tapenaina o A’ano o Manu-fasi, lea o le a fa’atauaina ai le sao o le ‘Aufai-lafumanu fa’apea faleoloa, i le lumana’i.  

O le Tulafono ua fuafua e fa’atonutonuina ai le fa’agasologa o le fa’alaloina ma le tapenaina o a’ano o manu i Samoa nei ae maise le saunia lelei o a’ano o manu mo maketi i totonu lava o le lotoifale. O fa’atonuga i totonu o le Tulafono, e fa’amautuina ai le saunia lelei o a’ano o manu mo le  fa’aaogaina i  Samoa, lea e tatau ona mama ma saogalemu lelei mo le fofoga taumafa ma ia tausisia ai tulaga mo’omia fa’ava-o-malo.  

Pei ona fa’ailoa mai i fa’asalalauga a le Matagaluega, “o lea fuafuaga o le a fa’ata’ita’ia muamua mo i le tolu tausaga, ma fa’amalosia ai loa le Tulafono, ae le’i aulia le 2019. 

I le aotelega, o le a na o le “va’aia lava ma fa’atonutonuina le saunia o a’ano o manu mo se taimi le-tumau, ma o le a aofia ai fo’i ma a’ano o isi manu a’o fa’asolosolo pea le polokalame”. 

O vaega e ao ona silasila iai le ‘Aufai-lafumanu a le atunu’u ia fa’amalieina, e aofia ai le tausia o se ‘api mo fa’amaumauga, e fa’amau ai fa’amatalaga au’ili’ili o manu ta’itasi, le ituaiga ma o latou tala’aga e pei o le mamafa a’o ola, le mamafa pe a mae’a ona tapena mo le fa’atau atu fa’apea fa’ai’uga o su’esu’ega ma le pasia o a’ano o manu pe a mae’a ona fasi.

A pasia loa lea Tulafono, o le a le toe “ fasia e fai-lafumanu se manu vagana ua iai maua se su’esu’ega o le lelei o sea manu na faia e se ofisa o le Matagaluega ma e le mafai fo’i ona fa’atauina atu i se faleoloa vagana ua mae’a ona asiasia”.  

Mo faleoloa i Samoa o le a fa’atauina atu a’ano o manu-fasi, o le a mo’omia mai ai  fa’amatalaga uma sa tu’uina atu e le fai-lafumanu. E mo’omia fo’i e le Matagaluega le “taumafai o faleoloa uma e faia o se faiga lelei e iloilo lelei ai vaega uma nei, i totonu o le tolu tausaga o le a fa’ata’ita’i ai, talu ai o le tasi lea o mana’oga i le Tulafono.

O le aoga o ia iloiloga, ia fo’ia ai ni a’afiaga e ono tutupu mai i le fa’aaogaina o a’ano o manu mo taumafa ma ono a’afia ai ni fa’ama’i. 

Sa fa’ailo atu fo’i e le Matagaluega se taunu’uga lelei o lea fuafuaga ma ua talia fiafia fo’i e le ‘aufai-lafumanu o le atunu’u, le le-a’afia ai o manu e fa’alaloina mo latou lava, i lenei fuafuaga.

© Samoa Observer 2016

Developed by Samoa Observer in Apia