Taugatā vaila’au - Filiga

Tusia Seia Soloi ma Fetalai Tuilulu’u ,

61 Hits

 Filiga Esau.

Filiga Esau.

O le maua ai o le fa’atalatalanoaga ma Filiga Esay o Falevao na ia fa’ailoa ai le tulaga e pei ona ua si’itia ai pea le tau o vaila’au mo le fa’aaogaina i tua o nu’u ma afio’aga ta’itasi o lo’o galulue mo le gagauina o le vao i aso uma aemaise o fa’ato’aga o lo’o tua i ai.

O Filiga ua 52 le matua o lona soifua.

 “E mo le taimi lenei, ia o se tulaga faigata tele o lo’o ua i ai si o matou nu’u i le taimi lenei aemaise ai le fa’apea ona solo ai i tua o tulaga e pei ona ua tatou maitauina pea ona o le taugata o le tau o le soifuaga.

 “Ia e pei o le fa’afitauli lena o lo’o i ai mo i matou o le au faifa’ato’aga i le taimi lenei, ma e pei o lea fo’i le tulaga o lo’o ua i ai nei o le taumafai lava ina ia mafai ona atia’e ai aiga.

“Ia e mo le silafia ai ua fai lava sina taugata o lo’o ua i ai nei, ia ae a leai la se tupe e fa’atau mai ai vaila’au nei, ia o le a i ai fo’i nai fa’aletonu o fa’ato’aga ona o lo’o fa’amoemoe tele i ai le taimi lenei.

 “Ia te a’u lava ia o le fa’afitauli tele lava lenei o lo’o ia, ua matua’i taugata lava vaila’au.

 “Ia e pei ona outou maitaua mai, ia e fai lava sina tele ma o le tulaga lava e tatau onai ai, e ao pea ona fa’aalu pea lea tulaga i le taimi lenei.

Na ia ta’ua o le taugata ai o vaila’au fa’aopoopo atu ai ma le tele o le mai fa’alavelave o se tulaga ua faigata tele i le taimi lenei.

 “Ia e mo le silafia ai , e i ai o matou aiga i atunu’u mamao e pei o i latou ia o lo’o matua’i fesoasoani tele mai.

 “E pei e fa’atalosagaina ai le Matagaluega o Fa’ato’aga ina ia fesoasoani mai mo lea tulaga.

“Ua matua’i taugata lava le mea lea ua i ai vaila’au.

© Samoa Observer 2016

Developed by Samoa Observer in Apia