O se tamaiai faipisinisi lauiloa ma o se tina, o Fiti Leung Wai, e talitonu o le Aso o Tina o se avanoa lea e le gata ina aloa’ia ai tina o Samoa; ae o se avanoa foi lea e faafetaia ai i latou mo mea latou te faia. 

E ala i sana faaliga i le Sunday Samoan, fai mai a ia o le Aso o Tina- o se taimi lea e faamanatu ai le avea ma tina, sootaga faa-tina ma le sao o tina o le atunuu. O le Pule Faatonu o le Samoa Stationary and Books o le a auai o ia i le faitau afe ma afe o tina na aloa’ia i le salafa o Samoa i le asō- a’o to’a teisi le atunu e faafetaia le matafaioi latou te faatinoina. O lea aso faapitoa o le a soso’o ai ma se aso malolo o le atunuu taeao. 

O Mrs. Leuga Wai, o ia lea o se loia e tusa ai ma lana galuega,o se faata’ita’iga lea o se tina o so nei. Ua ia te ia se tauiviga faigata i le va o le avea ma tina ma le atiina a’e o se tasi o pisinisi ua vave lona tuputupu a’e i totonu o Samoa. 

I aso faapenei, fai mai a ia e taua ona faatali teisi, mafaufau ma tilotilo i le lumana’i ma le loto mautinoa..”A’o faapitoa tina i aso uma, o le Aso o Tina o le aso lea e tasi o le tausaga e tatau ai ona tuuin atu i tina se faiga faapitoa e ese ai –e a latou fanau ma latou tane,”o le faaaliga lea a tina e to’afa lana fanau. 

 “E tele faiga e faailoa atu ai sea faiga faapitoa. Mo se faata’ita’iga, o se taumafataga i lona moega, se pepa na fai faapitoa mo lou tina, taumafataga i se fale’iga lelei, poo se meaalofa manaia. 

“[Ae peitai] e tatau foi ona tatou faaeteete i le faaaogaina faa-pisinisi o le Aso o Tina ona e mafai  e lena faiga ona faaleaogaina le uiga moni ma le faamoemoe  o le Aso o Tina-ina ia nei uma ane ua avea ma tauvaga o le tuuina atu o meaalofa e sili ona taugata ae o le Aso o Tina e sili mamao atu i lo lena.” 

O le toe mafaufau i lona poto masani i le avea ma tina, fai mai Mrs Leung Wai, o ia lea ua faaipoipo i le isi loia ma sa avea muamua ma Loia Sili a le Malo, o Aumua Ming, fai mai sa latou faafeagai ma le anoano o faafiauli se’ia ina ‘ausia le tulaga ua latou i ai i aso nei.

“Ou te manatu aso amata o la ma faaipoipoga, sa le tele ni a ma tupe,” o lana faaaliga lea. “Sa le mafai e lo’u to’alua ona maua se meaalofa taugata mo a’u i lena taimi ae sa na tusi mo a’u nei solo o le alofa ia sa ‘ou faapelepele i ai-talu ai ou te iloa sa faaalu lona taimi ma le malosi e tusi ai.

“I se tasi taimi pe a ma o ma te talafao a’o ma i ai i le iunivesite, na te aumai ia te au se ‘teddy bear’ laititi o loo taofi se fatu e ioga o le “Ziggy.” Ou te masalo o le itu ou te fia faailoa atu e faapea o le Aso o Tina-e le tatau ona faamaninoina pe fuafuaina i se tau tau tupe pe afai o le meaalofa e te tuuina atu i lou tina –ae ia auala i le taumafaiga ma le manatu o lautua i lea meaalofa ma le faiga e fai ai.

“Mo i tatou tina, tatou se faatinoina se vaega taua e fai ai ia mautinoa-tatou te le o tuuina atu le una’iga i luga o a tatou fanau poo tane ina ia tuuina mai ia i tatou ni meaalofa taugata tau tupe i le Aso o Tina.”

Sa faaauau pea le faamatalaga a Mrs Leung Wai ma faailoa mai le faiga na fai ai e lana masaga tama ana pepa faamanuia mo le Aso o Tina. O le aoauli o le Aso Faraile a’o faa-talanoaina a’u e se tusitala o tala fou a le Samoa Observer, na o mai i lo’u ofisa la’u masaga tama e 3 tausaga le matutua –ma la pepa faamanuia o le Aso Tina mo a’i,” o lana faaaliga lea.

 “Na la faia lo’u aso ma fai a’u ma tina e aupito i sili ona fiafia i le lalolagi ma ou te le manaomia se taimane e faafiafia ai a’u.”

(Ae peitai) ou te le o fai atu e le tatau ona tatou faatauina mo tatou tina ni meaalofa taugata, ae afai tatou te gafatia, ia e tu’u e a ae le faatau loa-ona e manaomia e o tatou tina le mea sili.”

 “Ae ui o lea ou te le mana’o ina ia noatia i tatou e le una’iga tau tupe mo le tuuina atu o meaalofa taugata pe afai tatou te le gafati ae o loo i ai isi auala e faaalia ai lo tatou alofa mo tatou tina i lo latou aso faapitoa.”

Ina ua fesiligi pe faapefea ona ia faia le fai o se pisinisi ma le avea ma tina mo lana fanau i lea lava taimi, fai mai Mrs Leung Wai e i ai taulaga e tatau ona fai mai lea taimi i lea taimi ae o loo taumafai pea o ia i le mea sili na te mafaia. 

 “O le fai o le pisinisi ma le tausi o tama e to’afa o se galuega lavelave ma le paleni lelei,” o lana faaaliga lea. I le tasi itu –e to’afa la’u fanau tama e tausi ma o le isi itu-o la’u pisinisi lea e faafaigaluega ai le sili atu i le 100 tagata.”

O le itu e faanoanoa ai, e tatau ona osi taulaga mai lea taimi i lea taimi-ae ou te taumafai pea i le mea sili ou te mafaia ina ia faaalu so’u taimi ma i latou pe a manava le galuega, aemaise ai lava la’u masaga ona o i la’ua ia e laiti. 

Ou te faia foi soo se galuega i Aso Sa-o se tasi lena taimi taua ma la’u fanau tama. Na fai le ma tonu ma lo’u to’alua  i le tele o tausaga ua mavae ina ia faamamalu le Aso Sa e le gata i le le faia ai o se gluega i lea aso e tusa ai ma le tulafono a le Alii.

“E matua uiga ese pe a e usita’i i le Alii talu ai- o le tausi o le Aso Sa ia pa’ia ua matua faamanuiaina ai lo ma aiga ma ua mafai ai ona ma malolo ma toe faa-atoatoa le malosi a’o lei amataina le isi vaiaso o galuega. Ua faamanuiaina foi a’u i le i ai o se tane e lagolago malosi  ma fesoasoani i le tausiga o a ma tama .” 

Ia-o a la ana fuafua mo le Aso o Tina? 

 “O le a ou taumafai e le faia soo se galuga vagana ai le faaalu o se taimi lelei ma a’u tama ma le tane aemaise ai lava lo’u sailia lea o se malologa lelei,” o lana faaaliga lea.

. Sa faaauau le talanoaga a Mrs Leunga Wai e momoli atu ana faamanuiaga i le aso o tina. “O Tina o le tuasivi lea o soo se aiga,” o lana faaaliga lea. “Latou te tuuina atu le fautuaga ia latou tane ma e matua malosi i le fofoina o faafitauli. 

 “O lo’u lava tina, o Nino Stanley Vito o ia lea ou te faata’ita’i i ai-e matua agamalu ma faaalu le vaega tele o lona taimi e toatuli ma tatalo mo lo matou manuia ma faamanuiaga. Na te aumai ana paaga tatalo i la matou Megastore lea e tatala i tagata lautele i soo se taimi i le faagasologa o itula faigaluega ma ou te valaaui soo se tagata na te manaomia se mafutaga ma le Alii ina ia sau ma tatalo i totonu o la matou potu tatalo.”

 “Ou te fia faafetaia foi le isi o’u tina o Epenesa Saifoloi mai Moataa-o ia lea e tatalo i taimi uma mo a’u ma lo’u aiga ma le pisinisi.

 “O le itu mulimuli, e fia momoli atu la’u faamanuia i tina uma o Samoa se aso faamanuiaina mo leAso o Tina ma ou te faamoemoe  ua fai faaleaga outou ma faatauaina e le mo na o le Aso o Tina ae mo aso uma lava.”