Fa’afiafiaga mo le Aso Sa o Tinā

287 Hits

O tinā o le pae ma le auli i totonu o aiga, e faamafolafola mea ua faaletonu ma lagolago i le tamā i ona tiute tauave i totonu o le aiga, nuu faapea le galuega a le Atua. 

Ua faatusaina foi lona lelei, “E sili lona Tau i Penina.” O faalupega ia e masani ai le atunuu i tausaga uma e faalupe ai tinā i ona tiute tauave e masani ai i soo se afioaga, aemaise lava i le Aso Sa ua faapitoa mo i latou e pei ona faamanatuina i tausaga ta’itasi e ai le aso lenei.

O le Aso Tofi na se’i mavae atu na fa’ataunu’uina ai se fiafia a le Mafutaga Tina a le E.F.K.S. i Vaitele-Uta.

E silia ma le limasefulu e na auai, ma sa faia ai le tele o le mau fa’afiafiaga e pei ona vaevaeina ai i vaega e lua, ua fa’aigoaina o Savai’i ma Upolu.

O siva ma fa’afiafiaga e aofia ai atunu’u o Saina, Initia, Sikotilani ma Aferika ma na maitauina le fa’afiafiaina ai o e na mafai ona maua le avanoa e tagataga’i ai fo’i a fa’afiafiaga a’i latou nei.

O nisi nei o ata mai lea aso fiafia mo Tinā o le Ekalesia.

© Samoa Observer 2016

Developed by Samoa Observer in Apia