Fa’au’uga a le Iunivesite Aoao a Samoa i Papaigalgala

By Ilia L Likou 08 April 2018, 12:00AM

O le aso Faraile na se’i mavae atu nei na fa’ataunu’uina ai le Fa’au’uga Tele a le Iunivesite Aoao  a Samoa i Papaigalgala.

E silia ma le 400 i latou na mafai ona fa’au’uina lo latou taumafai i fa’atufugaga ese’ese na a’oa’oina ai.

O i latou la nei na sili aoao i fa’atufugaga a le Iunivesite o Samoa e aofia ai Taufaalili Malolo,  Pesefeamanaia Bell, Taufaalili Malolo, Sialasa Leilua Elisara, Carolynn Titata Krieg, Soteria Sekuini, Daniel Faletoese ma Kirisimasi Foua.

Na faaleo le agaga fiafia o nisi o fanau ua faauuina nei e le gata i lea sa o  latou tautino e lei faigofie le feagai ai ma suesuega ae sa taumafai lava i le mea e gata ai le mafai ma le lelei e gata ai aemaise le faalagolago i le fesoasoani mai lugā ua mafai ai ona tino mai nei faamoemoega sa na o ni moemitiga i le taimi ua tea, ae o lenei ua faaatoa mai e le Atua o latou moomooga.

Sa faaleo foi o latou lagona faafetai i le tapuaiga ma le lagolagosua malosi a o latou mātua ma aiga, nuu ma ekalesia, aemaise le faafetai i le malo mo nei avanoa ua faigofie ai ona matou maua ni aoaoga mo nei tomai tāua ae ua faatino lava i totonu o lo latou atunuu.

O loifofoga o le fiafia ma lagona mitamita o mātua ma aiga na vaaia i lea aso, a o faaula ma faafeiloai atu i fanau ua avea nei o ni fomai i totonu o le atunuu.

By Ilia L Likou 08 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>