Anoanoa’i le ‘Au-fa’atuatua e talitonu i fa’aaliga

1152 Hits

Ua salalau le mau fa’amatalaga i Samoa nei ma atunu’u mamao, e uiga i le tama’ita’i-talavou fa’apea o lo’o ia tau’aveina fa’ailoga o Le Mesia i taimi o Ona puapuaga. O le a sou finagalo? Na fesiligia e Deidre Fanene, i polokalame masani a le Samoa Observer – Talanoaga i le Ala o le aso, le mamalu o le atunu’u, ma o nisi nei o finagalo na fa’aalia:

La’auli T. Laupepa Apia

La’auli T. Laupepa Apia

Ioe, ‘ou te matua talitonu lava i ai aua o tatou o le atunu’u Kerisiano ma e le o le taimi muamua fo’i lenei ua va’aia ai ni fa’ailoga fa’apea i lo tatou atunu’u. O lo’u lava manatu, e le o le tagata e ‘auala mai ai le fe’au, a’o le fe’au ua ‘aumai ‘aua ‘ou te talitonu i Le Atua ma, afai o Lona finagalo lea ua ‘auala mai i lea teine-talavou, ‘ou te lagona la, ua tatau ona tatou nofo-sauniuni uma iai.

 

Faafiafia Sua Vaitele

Faafiafia Sua Vaitele

Ou te talitonu i mea sa tautala ai le teine ae maise o lana ta’utinoga fa’apea, na va’ai i le lagi ma seoli. O a’u o se tagata-Kerisiano ma o mea uma lava na saunoa iai, o lo’o i totonu lava Tusi Pa’ia. E ao ona tatou nofo sauniuni mo le toe Afio mai o le Keriso ma afai la na ‘auina mai e Le Atua, ‘ou te manatu ua tatau ona tatou talitonu uma i mea sa ia fa’amatala.

 

Auimatagi Soonafai Malie

Auimatagi Soonafai Malie

Auimatagi Soonafai Malie
Auimatagi Soonafai Malie
Daisy Paulo Elise Fou
Daisy Paulo Elise Fou
Diana Aiomanu Laulii
Diana Aiomanu Laulii
Faafiafia Sua Vaitele
Faafiafia Sua Vaitele
La’auli T. Laupepa Apia
La’auli T. Laupepa Apia
Tomasi Sakaio Aele
Tomasi Sakaio Aele

Fa’atoa ‘ou fa’alogo iai ina ua pisa tagata ae ‘ou le’i va’ai tino iai nei mata, ae ui  lava i lea, ‘ou te talitonu iai. Se ‘aua le va’ai i le tagata na ‘aumaia le fe’au ae silasila ma le toto’a i le taua o le fe’au ua ‘aumai. Lea tatou te fa’atalitali uma i le toe Afio mai o Iesu ma afai ua filifili e Le Atua le teine lea e avea ma Ana ‘ave-fe’au, ‘ou te iloa lava e tatau ona tatou fa’alogo uma ma talitonu iai, i mea uma ua na fa’aalia

Daisy Paulo Elise Fou

Daisy Paulo Elise Fou

E ia se fe’au taua i le mea lea na ‘auala mai le teine-talavou, e ‘ese’ese uma lava o tatou lagona ma manatu, a’o a’u lava ia, ‘ou te matua talitonu i ana fa’aaliga uma. O le mea aupito taua, o ia o se tama’ita’i ua fa’amanuiaina, ua fa’atino ia te ia a’o talavou ae maise o le iai o lona talitonu ma le fa’atuatuaga e tala’i le ‘upu e ui i le tele o tala a tagata o lo’o fai iai.

Diana Aiomanu Laulii

Diana Aiomanu Laulii

 

E ‘ese’ese lava manatu fa’aalia o tagata i le mata’upu lea ae ia a’u lava ia, e le o le  tagata a’o le fe’au. O le mea lena ‘ou te matua talitonu ai i le fe’au, tu’u le tagata ae talitonu i le fe’au sa ia momoli mai mo tatou uma.  

 

Tomasi Sakaio Aele

Tomasi Sakaio Aele

Afai lava o se fa’aaliga lea mai Le Atua, ua tatau ona tatou talitonu atoatoa iai ma tapena iai o tatou tagata mo Lona toe Afio mai. ‘Ou te talitonu i fa’aaliga uma ua fa’aalia ae maise le fe’au ua na momoli mai mo tagata uma ma ua ‘ou sauni fo’i mo le toe Afio Mai o le Keriso Manumalo.

© Samoa Observer 2016

Developed by Samoa Observer in Apia