Ta’imua i a’oa’oga mo le fa’amalosia o tupulaga talavou

Tusia Fa’aliliu e Maiava ,

231 Hits

Sui o le Vaega Tusiata, (tua mai le agavale): Ieremia Tuupo, Sa’o Papaalii, Carolyn Krieg Laina i luma: Graham Ah Him, Matatumua Leua Latai, Leala Mose.

Sui o le Vaega Tusiata, (tua mai le agavale): Ieremia Tuupo, Sa’o Papaalii, Carolyn Krieg Laina i luma: Graham Ah Him, Matatumua Leua Latai, Leala Mose.

 Lua vaiaso talu ai, i le faletalimalo o le Tanoa-Kitano, na taua’aoina aloa’ia ai e le Vaega mo Fa’aaliga o Ata-Tusi – o se fa’alapotopotoga a tamaiti-a’o’oga o le Iunivesete Aoao a Samoa, se fa’ailoga fa’apitoa tau-a’oa’oga na saunia e Fa’alapotopotoga o le CSSP-AUSAID-EU.

O le poloketi a le Vaega lea, sa fa’a’autu mo i latou o lo’o a’o’aoga fa’aFaia’oga mo le a’oa’oina o le Mata’upu Tusiata, aua le fa’aleleia o tomai ma agava’a fa’aTusiata, ma saofaga ai fo’i le fa’alauiloaina atu o galuega a tusiata ma tusitala o le lotoifale, ae maise le fa’atauaina o le iloa tusitusi ma faitau-tusi e ala i a latou galuega fa’atusi-ata.  

O le tusitala na filifilia e le Vaega lea e fai ma malo-fa’aaloalogia mo la latou poloketi, o le tusitala-Samoa o Fiapopo Taulago mai le afio’aga o Sale’imoa, lea na fa’atagaina ana tala-pupu’u sa tusia, e avea ma vaega e fa’aAta ma fa’asalalauina fa’alaua’itele mo le ulua’i taimi e le Vaega Tusiata.

O lea maliega ma le so’otaga na mafai ona ‘ausia, ona o feutaga’iga a Anita Latai – o se faia’oga i le Iunivesete Aoao o Samoa ma le Vaega Tusitala, ina ia aofia ai le fa’aAtaina o tala-pupu’u a Fiapopo Taulago.  

Ulu o le Vaega Tau A’oa’oga, Tofilau Dr Faguele Suaalii , Ieremia Tuupo, Graham Ah Him, Dr Faguele Suaalii
Ulu o le Vaega Tau A’oa’oga, Tofilau Dr Faguele Suaalii , Ieremia Tuupo, Graham Ah Him, Dr Faguele Suaalii
Nisi o ali’i o le A’oga Fa’aFaia’oga ua mae’a le a’oa’oga sa ‘auai. O nisi o latou nei o le a fa’au’uina i le fa’ai’uga o le tausaga nei, i fa’ailoga tikeri, (Bachelor of Education  Mai le agavale:  Sam Tony Salue, Siuia Taiti, Leala Mose, Ieremia Tuupo
Nisi o ali’i o le A’oga Fa’aFaia’oga ua mae’a le a’oa’oga sa ‘auai. O nisi o latou nei o le a fa’au’uina i le fa’ai’uga o le tausaga nei, i fa’ailoga tikeri, (Bachelor of Education Mai le agavale: Sam Tony Salue, Siuia Taiti, Leala Mose, Ieremia Tuupo

Ua tele tala-pupu’u na tusia e Fiapopo i le gagana Samoa lava ma o le ulua’i taimi lea ua fa’asalalauina aloa’ia ai ana tusitusiga. I le 1978, na manumalo ai lana tala na fa’aigoaina, “O le Matai La’ititi” i le tauvaga tusiga-tala a le 2AP ma le Iunivesete o le Pasefika i Saute ma avea ai loa o se tasi o tusitala ta’uta’ua.

O lo’o fa’alogoina pea nisi o ana tala, i le tele o Aso Tofi ma Aso Faraile i le 2AP, i le polokalame o le “Palolomua” ma le “Ulupani.”

E tele tausaga o tautua i le Kolisi o Leulumoega Fou a le EFKS, na avea ai o se Ta’ita’i-Fa’aili ma faia’oga o le Gagana Samoa. O ia o se tagata-musika, o se fatu-pese, o se ta-piano fo’i sa a’oa’oiuna e nisi o tusitala ma tagata-musika iloga i le atunu’u, o Tunumafono Apelu ma Ueta Solomona, o Albert Wendt fa’apea Gutu Young i le vaitau o le 1970’s.

O lea fa’ailoga, ua aloa’ia ai le sologa lelei ma fa’amanuiaga e tele na to’ai i le mamalu o le atunu’u ae maise lava i afio’aga ma alalafaga ‘ese’ese, o fa’amanuiaga mo tina ma tama’ita’i, o tupulaga ma ‘autalavou, sa una’ia i taumafaiga ma fetufaa’iga sa faia e fua i faiga-fa’avae a le malo o Samoa.

© Samoa Observer 2016

Developed by Samoa Observer in Apia