Naunautaiga mo le lelei o aiga

By Fetalai Tuilulu’u 08 March 2017, 12:00AM

O le suavai o le ola lea o so’o se tagata soifua, a leai se suavai ua le ai se ola o se aiga.

Ua au tausaga o feagai pea le tina ia Rosalina Tu’itu’i, 32 tausaga le matua mai le nuu o Vailoa Palauli, Savaii ma Malie ma mafatiaga o le leai o se suavai maua mo ia ma lona aiga, e le gata I le atina’eina o lona aiga ae o le ola ai mo aso uma.

O le manatu maualuga o Rosalina, e silia tu ai le olaga i Upolu nai lo Savaii, ae ua sese lana filifiliga.

O lo’o nonofo nei ma lana fanau e toalua ma lona toalua ma na ia faailoa le tulaga faigata ua iai nei le atia’eina o ia ma lona aiga.

“Matou te le mauaina se suavai” o labna tala le ai le Fofoga o Samoa.

“O se faafitauli pito sili ona faigata lea mo le matou aiga aemaise aiga uma i totonu o le nuu, ae e totogi lava matou pili pe aomai le ofisa, ae a ola e le umi ae toe pe mai, nao ni nai vaiaso lava e ola mai ai.

“O lo’u iloa ai lava iai, ua leva lenei faafitauli ma i matou. Pau le tulaga e maua mai ai le suavai, o le sue mai i aiga o lo’o maua mai ai le suavai aua mea e fai i totonu o le aiga.

Na ia tau’a foi, o lo’o taumafai lava aua se seleni maua mo lana fanau, aemaise o le latou fale, e le’o se fale mautu toe lelei.

“E le na’o matou o loo mafatia e oo i nisi o matou aiga tuaoi o le mea foi lea e tasi, o le suavai ma fale.

“O lo’u toalua e fagota toe faifaiva, ma o leisi lea mea o lo’o faalagolago iai lo ma aiga.

“O nisi o taimi ua lelava le faasoa I le itu o le seleni, ae o le fagotaga lava a lo’u toalua o lo’o faamoemoe iai aua mea fai I totonu o lo ma aiga.

O aiga uma o lo’o nonofo i lea nofoaga, o le sami o lo’o faamoemoe ai mo se tupe maua mo a latou aiga.

“O le tupe lava e maua mai i le fagota a lo’u toalua, e faamuamua ai lava se meaai mo le aiga, aua e oo lava i le eleni e tasi ua taugata tele lava pe a ma le $4tala.

“O le faamuamua lava ia e mo le manuia o fanau, ma o le tupe lava ua maua i o ma lima, o lena lava aua o lo’o tagi lava i lima galuega e fai mo fanau.

O le vaai mamao a Rosalina, o le faia lea o sona fale lelei toe mautu mo lona aiga, aemaise le faaolaina lea o le suavai aua gasesega i totonu o le aiga, aua a leai se vai ua leai foi se ola.

By Fetalai Tuilulu’u 08 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>