Falepuipui i moliaga o le talepe fale ma le faia o ni uiga matagā

Tusia Deidre Tautua-Fanene ,

75 Hits

Mamona Ah Ching falepuipui i le 2 tausaga ma masina e lua.

Mamona Ah Ching falepuipui i le 2 tausaga ma masina e lua.

E 28 tausaga o se taule’ale’a ua falepuipui nei mo le lua tausaga ma masina e lua ona o ni moliaga o le talepe fale ma le faia o uiga matagā.

O le fa’aiuga sa faia e le ali’i faamasino o le fa’amasinoga maualuga o Leiataualesa Daryl Clarke.

O le tama’ita’i loia i a  Fuifui Ioane mai le ofisa o le loia sili sa tula’i mo le itu a leoleo.

 E tusa ai ma fa’amaumauga a le itū a leoleo e fa’apea, o le Aso Sa 30 Novema, 2016 pe o le lua i le vaveao sa ulufale ai le o lo’o molia e aunoa ma se fa’atagana i le fale o le na a’afia i Tuana’imato e ala atu lea i le fa’amalama o lo’o i le pito i tua.

Sa alu atu o ia i le potu o le na a’afia a’o moe o ia ma fa’atino ai loa ni uiga matagā.

I le aso 25 Tesema, 2016 pe a ma le 3 i le vaveao, sa ia ulufale ai i totonu o le fale o le na a’afia lona lua i Talimatau.

Sa ia ave’eseina ni fa’amalama o le fale ma ulufale atu ai loa i totonu o le fale o le na a’afia lona lua a’o moe o ia.

Sa ia alu atu i totonu o le potu o le na a’afia lona lua ma tu’u lona lima tusi i le gutu o le na a’afia ma fai i ai, “Aua gei e pisa gei kei ua ou fasiokia oe faakasi ai ma lou kamā ma lou kuagage.” 

O i sa ia faia ai loa ni uiga matagā i le na a’afia lona lua.

Ina ua tago le na’a’afia lona lua i lana telefoni sa fesili ai loa le o lo’o molia mo le numera o lana telefoni.

Sa ta’u i ai e le na a’afia le numera sees.

I le taimi lea sa taina ai loa e le o lo’o molia le numera i totonu o lana telefoni, o i sa tulei ese ai loa e le na a’afia le o lo’o molia ma le moega ae tamo’e loa aga’i i lona tamā ma lona tuagane.

O itu ogaoga o le solitulafono sa ta’ua e Leiataualesa le taimi sa fa’atinoina ai le solitulafono.

“Muamua o lou osofaia lea o fale o e na a’afia a’o momoe i latou,” o le saunoaga lea a Leiataualesa.

“O upu taufa’amata’u sa e lafoina i le na a’afia lona lua ma le lona tolu o le taimi sa e fa’atinoina ai le solitulafono i le Aso 25 Tesema 2016, o le taimi lea o lo’o tatala oe i tua e fa’atali ai se fa’aiuga a le fa’amasinoga i le moliaga muamua lea sa e fa’atinoina i le Aso 13 Novema.

“Ma lesi itu o e na a’afia e to’alua e eseese nofoaga sa tupu ai.

 “Mamona o au solitulafono ua fai lava si ogaoga ona sa e ulufale i fale o e na a’afia e aunoa ma se fa’atagana, a’o le taimi fo’i lea o lo’o momoe latou i latou moega.

 “O le itupa o tama’ita’i ma teneiti laity e tatau ona saogalemu aemaise lava i totonu o latou fale ma luga o latou moega.

 “O lē na a’afia lona lua sa e faia ai ni tala taufa’amata’u.

“O le na a’afia muamua e 17 tausaga mai Tuana’imato lea sa e fa’atinoina ai ni uiga matagā i le Aso 13 Novema, 2016.”

I le lipoti a le na a’afia lona lua sa ia ta’ua ai lona fefe tele i le taimi o le solitulafono ma lona inoino i gaioiga a le o lo’o molia sa fai.

 “Sa ia ta’ua fo’i e fai lava ma au masani lou tafao atu i le latou fale i ona tausoga.

“Ua ia famaloina oe ona o le oo atu a lou tinā ma ua talia fo’i e lona tamā le fa’atoesega a lou tinā.”

 “O lē na a’afia lona lua e 19 ona tausaga i le taimi o le solitulafono.

“Sa ia fa’ailoa lona fefe tele i a te oe ma o le mafuaaga lea na le mafai ai ona vala’au mo se fesoasoani.

“O le aso na soso’o ai sa alu ai nofo i lona tināmatua ona e le’i toe fia nofo i lona fale.

“E le’o toe mafaufau lava i le mea na tupu ona e le’o toe nofo i’inei.

“O lē na a’afia lona tolu o ia lea e onaina le fale sa ulufale i ai le o lo’o molia i le aso 13 Novema, 2016.”

© Samoa Observer 2016

Developed by Samoa Observer in Apia