Maliu se ali’i aoga o le Aoga Fa’afaifeau i Malua

Tusia Deidre Tautua-Fanene ,

198 Hits

MISIA LE MAFUTAGA: Kitiona Mauli’o ma lona faletua o Taafili i le taimi fa’atoa a’e le aoga fa’afaifeau i Malua.

MISIA LE MAFUTAGA: Kitiona Mauli’o ma lona faletua o Taafili i le taimi fa’atoa a’e le aoga fa’afaifeau i Malua.

O le vaiaso na se’i mavae atu nein a maliu ai se ali’i o lona tausaga muamua lenei i totonu o le lotoā a le Aoga Fa’afaifeau a le E.F.K.S. i Malua.

O le ali’i o Kitiona Mauli’o e 35 le matua o lona soifua ma sa fa’amaonia mai lona maliu ai i totonu o le aoga e se tagata lotu o le ekalesia.

Sa ia ta’ua i le Samoa Observer o le maliu o lenei ali’i o se tala na fa’atei’a ai latou ona o lenei ali’i e sau mai Brisbane i Ausetalia, e le’i i ai lava ni fa’ailoga e atagia mai ai e maua o ia i se ma’i.

Na fa’aalia mai fo’i o lea ali’i na matapogia o ia a’o feagai ai le aoga ma galuega masani i le tapenaina lea o le lotoā a’o lumana’i ai le amataina o le aoga.

Sa fa’apea ona aveina lona tino i le falema’i fa’aitumalo i Leulumoega lea na fa’apea na uma ai lava lona soifua.

“O se tala fa’anoanoa lea mo matou,” o le saunoaga lea a le sui o le ekalesia.

 “Sa fiafia lava lea ali’i i le amataliaina o le aoga aemaise lava o ona aso lea o le a feagai ai ma a’oa’oga i totonu o le aoga.”

E le’i mafai ona maua mai se tali maumaututūmai le Aoga e tusa ai ma lenei mataupu.

Ae sa ripotia e le Daily Mail Australia o lenei ali’i sa avea o ia ma tagata ta’uta’ua o le ta’aloga o le lakapi a’o le’i ulufale mai i le aoga fa’afaifeau.

Sa ta’alo ma o le au a le Australian Schoolboys i le tausaga e 2001 ma sa avea fo’i ma sui auai o le Queensland Rugby Academy.

I le avea ai o lea ali’i ma sui o le Australian Schools team, sa mafai ona malaga atu i Iapani ma le United Kingdom fa’atasi ai ma le sui o le Wallabies Drew Mitchell, Rodney Blake, Josh Valentine ma Hugh McMeniman. 

I luga o auala fa’atekonolosi e pei o le Facebook sa tau’a ai e nisi lea ali’i o se ali’i alofa.

 “O Kitiona Mauli’o o sefa’ataita’iga sili lea mo tagata lautele o le pasefika aemaise lava i ona tagata Samoa.

“O se tagata e talenia tele i luga o le malae ma fafo atu o le malae.

“Sa musuia o ia e fia avea ma faifeau e auala mai i lana ekalesia.

“O le a misia lenei uso, ia maua sou nofoaga i le lagi.”

Ua tu’ua e Mauli’o lana tautoga loto mafatia o Taafili ma lona afafine e to’atasi.

Sa talosagaina fo’i e le aiga fa’avauvau o Mauli’o i luga o upega tafa’ilagi  e ala lea I le facebook i le fia maua lea o se fa’amatalaga e uiga i lona maliu.

Sa ave fo’i ni faitioga a nisi o le mamalu o le atunuu i luga o le facebook le natura o galuega fai o lo’o fa’atinoina e’i latou o lo’o a’otauina i lea nofoaga.

O nisi ua fautuaina le ekalesia ina ia toe taga’i lelei i galuega o lo’o latou totofiina ai tamaiti aoga, aemaise lava i latou e le masani i ia ituaiga galuega fa’apea.

 O nisi o’i latou sa a’otauina muamua i totonu o le aoga sa latou fa’aailoa mai i le Samoa Observer o galuega o lo’o faia i totonu o le aoga e fai lava si mamafa ma e ao ona nofo malamalama i ai le to’atele a’o le’i ulufale atu i le aoga.

© Samoa Observer 2016

Developed by Samoa Observer in Apia