Fa’aaoga tatau le taimi

Tusia Seia Soloi ,

91 Hits

Ruti Westerlund.

Ruti Westerlund.

E leai lava se tasi o tatou e fia fia e faigaluega.

Ana fa’apea e milionea uma tagata, o le a le toe i ai se tasi o le a toe usupo e faigaluega.

Ia Ruti Westerlund, 55 tausaga mai Vaitele ma Salelologa, Savai’i o lona naunautaiga e fesoasoani i lona aiga o lo’o tuleia malosi ia e faigaluega. Sa avea o ia ma sikulati i se tasi o pisinisi i Vaitele.

“Out e alofa tele i la’u fanau.

“O le ala lenā out e faigaluega malosi ai lava.”

Ae e I ai lava le mea e tasi o lo’o misi.

“E tusa lava po’o le a lo’u faigaluega malosi e le taitai lava le seleni.

“O le ala lena sa ou fa’amavae mai ai i la’u galuega muamua fa’asikulati ona e le lava le totogi.

“Sa ou faigaluega 7 aso ae totogi lava a’u na o le lima aso, o lona uiga sa ou faigaluega fua i Aso To’ana’i ma Aso Sa.

“Ina ua ou maitauina le lē aofia ai o Aso To’ana’i ma Aso Sa i lo’u totogi sa ou fa’amavae loa mai i la’u galuega muamua.

“O se galuega faigata tele ae le talafeagai ma le tupe maua ma e le lava foi i le tausiga o lo’u aiga ma la’u fanau to’atolu.”

O le taimi la lenei o lo’o nofo Ruti i le fale ma e eseese lava galuega e nate faia e maua ai ana seleni e tausi ai lona aiga.

Sa ia fa’aalia fo’i ua sili atu le taimi nei ona ua mafuta i lana fanau ma e eseese foi ona manatu i le lumana’i.

“E sili atu lo’u mana’o e ave la’u fanau e ao’oga i Savai’i ma ou faigaluega ai i Savai’i nai lo’o le aumai i’inei i Upolu.

“O le olaga i’inei ua lava si televave, ma e ono a’afia ai si a’u fanau i le tele o mea o lo’o tutup[u atu iinei i nisi o tupulaga talavou.”

E sili atu i a Ruti le galue I le fa’atoaga e tausi ai lona aiga.

“O la’u fa’atoaga ma la’u fuala’auaina o lo’o maua ai matou tupe ma fai mea matou te manana’o ai.

“O lo’u atali’i matua o lo’o faigaluega ma fa’ataua a matou mea’ai ae le a’afia ai meafai a le nu’u ma le ekalesia.

“O lo’u afafine o lo’o aoga i le aoga a Don Bosco College i le vasega 12 ae o le la’ititi o lo’o aoga i le Aoga Tulagalua.”

E pei lava o le to’atele o le augani a lea tamā i le malo ia faia o latou auala.

“O le mea e lelei mo Apia, e lelei fo’i mo Savai’i.”

I le itu o le tau o le soifuaga o le talitonuga o Reti o se itu leaga tele.

“Ua ova le taugata.

“Tele aiga o lo’o oi ma ou te fa’amaonia lea fa’alogona.

Ma i lona talitonuga o le fa’atoaga lava le tali o lea fa’afitauli.

“E tatau ona fautuaina e matau a latou fanau afai ua le mafai ona maua ni latou galuega e tatau ona galueaina le eleele.

“E sili atu lena nai lo le fa’ama’imau taimi solo ma fa’aaluvale le malosi ae leai se mealelei o maua mai ai.”

© Samoa Observer 2016

Developed by Samoa Observer in Apia