Taua o le Galuega Fa’a Tina

By Ulimasao Fata 07 December 2017, 12:00AM

O Tina o le foliga vaaia lea o lana fanau I le lumana’i ma ua lauiloa foi I le latou galuega fa’atino I aso uma.

O le saunoaga lea a le Tina ia 34 tausaga lona matua mai le alalafaga o Leulumoega. E to’a lima foi lana fanau.

Na maua le avanoa e fa’a talatalanoa ai le Tina ia Marlene a’o ia aga’i atu I laugatogi a lana fanau I le aoau;li ananafi.

Na ia saunoa ai o le galuega fa’aTina o se galuega faigata, ma o le foliga vaaia lea o le fanau I o latou olaga tuputupu a’e.

“O gaioiga uma a le Tina I totonu o lona lava aiga o foliga vaaia lava lena a le fanau I so’o se mea lava e aga’i iai I fafo mai o latou aiga,

“O le Tina foi o le tagata lea e o iai le fanau pe fa’apena ona iai se mea o lo’o mamafa I o latou mafaufau ma latou olaga.

“O le Tina foi o ia lea o lo’o gafa ma le tele o tapenaga ese’ese I totonu o aiga ae mafai foi ona faia gafa tau Tama.

“Gasesega, Fa’amama, aemaise le fafagaina o le fanau o gafa uma nei a le Tina e faia I totonu o aiga aua lava le naunau ia lelei aiga ma ia mautinoa le ola o le fanau.

“Tatau foi ona mautinoa I le Tina o lo’o saogalemu le fanau I totonu o aoga aemaise lava soo se mea e fa’apena ona aga’i atu iai le fanau.”

Na ia saunoa ai o le mafua’aga ua mafua ai le tele o fa’afitauli o lo’o tutupu I totonu o aiga ona o le fa’amaoni o nisi o Tina I o latou matafaioi.

“O le tele o fa’afitauli ua fotua’i mai I lr fanau teine I nei aso ua mafua mai lea I le fa’atalale o le Tina o le aiga.

“O le Tina e tatau ona ma’ilo’ilo lelei I le mea o lo’o iai lana fanau I lea taimi ma lea taimi ina ia mautinoa o lo’o saogalemu.”

By Ulimasao Fata 07 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>