O le talitonuga o le alii ia Falaniko Pauga o Solol o le avea ai o tatou ma fatuaiga tausi ma fa’ata’ita’iga lelei mo le augatupulaga o se itu e ao ina ave ai le fa’amamafa i le taimi lenei.

O Falaniko o ia o se aliifaifa’ato’aga ma ua loa tausaga o galue i vaega nei mo le tausia ai o le aiga.

“Ia o a’u e leai se to’alua leai foi se fanau, ae o la’u faamuamua e ave lava le tinā le aiga o lo’o ma mafuta nei. 

O le ele’ele ou te galue ai ma le fa’anaunauta’iga ia va’ai ma ia ola maloloina lelei le tina le aiga ma ia faia uma mea o lo’o manao ai. 

 “O lo’u fa’amoemoega ia aua ne’i ola falōlō lo’u nei tagata ma au foi nei ma fa’amoemoe se tasi

 “O la’u tala e fai so’o ia te a’u lava ia e le mafai ona sau le isi tagata e fesoasoani i a te oe i le olaga lenei o lo’o o tatou ola ma soifua ai.

“E le mafai ona maua ni manuia pe āfai latou te nofonofo ma  fa’atalitali i se isi, ae o lou punou ifo lava o oe atia’e lou aiga e solosolo lelei ai.

Na ia fa’ailoa mai po le a lava le tele o mea uma i lenei olaga o le eleele lava ma le sami e tua lava  iai i aso uma. 

“Pei foi e iai  lenei taeao ma lona fa’amoemoe ia fa’atoa foi mai foi na latu e mai sina i’a aua se meaai. Ia peitai o  lo’o nufe le sami on ao le sua tutui le tai ia ua leai ai se i’a.

“O lea foi la a misi mai le sami ia ae o lo’o ia le togala’auaina i gauta. Lea foi e la’ala’a atu ai le toagala’au e aumai se kapisi e falai ai le eleni. 

“O le lelei lena o le galue uma i itu e lua a misi mai le isi itu ae o lo’o iai le isi vaega e tua iai. 

“E toe lava nao maua ma le tinā le aiga, o lo’o iai foi uso ma tuafafine e fesoasoani mai foi lava i nisi vaega o le ma aiga ae o meaai lava ia e tua lava le eleele ma le sami. 

“E toa mana’omia lava le tupe pe o’o i fa’alavelave fai.