Manatu O Le Fa’atonu - Malo lava lau Afioga i le Palemia Tuilaepa. Tala maia o aao

By Faaliliu e Seagaitumua Tupuola 07 July 2016, 12:00AM

I taimi amata o Aperila-o le taimi lea na aliali mai ai faiga tau faasese tau tupe ua faaigoaina o le Mossack Fonseca i le lalolagi atoa, o le upu “Samoa” sa matua manino lona tulai mai ai i totonu o lea faiga mata’utia-ina ia mafai ai faatali teisi tagata uma lava inei i lo latou atunuu-i latou ia e matua popona i le atunuu o le tasi tagata, na faatali teisi ma matua tilotilo lelei i ai.

E leai se tasi na ia iloa ma le mautinoa lelei pe o le a le mea o loo vevesi ai-ma o le taimi lea na taunuu mai ai tala fou mai fafo; na taunuu mai e ala i foliga o se ulutala sa i totonu o le nusipepa a Peretania, O le Guardian, lea fai mai i se gagana e matua manino lelei: “Sa faaaoga le sui o Samoa e fesoasoani i le Mosaack Fonseca e ala i le faavaeina o ni kamupani tau atigi mea

Kamupani Atigi mea? O a ia mea?

Ina ia tali atu i nei fesili, e tatau ona matua iloa lelei lenei mea ua faaigoaina o le Mossack Fonseca. Fai mai lipoti faatuatuaina o ia pepa e uiga i le Mossack Fonseca-na maua e le nusipepa Siamani o le Suddeutche Zeitung, ona faasoa lea mulimuli ane e le International Consortium of Investigative Journalists-lea e aofia ai le Tha Guardian, ma isi lava nofoaga e maua ai nusipepa. Ma o ia la pepa faamaumau, i se tasi itu, ua faaigoaina o Panama Papers. Ae aisea ua faaigoa ai o le  Panama?

E leai se faamatalaga na tuuina mai. Ae poo le a lava, o iinei tonu lava ua toe faailoa mai ai le upu“Samoa” vagana ai la le taimi nei, ua le faatasi a ua faalua. Fai mai se tasi o lipoti:….”o se tasi o imeli mai le ofisa Samoa o le Mossack Fonseca, o le aso 16 o Aperila 2013, o auiliiliga o le taualumaga tau le auina atu o pepa mai Samoa i Ausetalia, ma ona sosoo ai lea ma isi atunuu.”

Sa faamatala mai e le isi: “Ua uma ona matou tuuina atu i le aso15 o Mati 2013 i le Hai Komisi o Samoa se Tusi Faamaonia o le Tulaga Lelei, mo le kamupani ua ta’ua i luga mo le faamaonia e le Matagaluega a Ausetalia mo Mataupu Tau le Va i Fafo,  ma soso’o ai ma lona tuuina atu i le ofisa amapasa o le UAE mo nisi faamaoniga.”  O loo i ai foi ma le isi: O le ofisa o le “Mossack Fonseca’s i Samoa-e aliali mai ua leva ona ia faaaogaina le Hai Komisi a Samoa i Canberra le pe tusa ma le  4,500km e mamao ese ai, ina ia fesoasoani ia te ia tau le tuuina atu o pepa mo le faavaeina o kamupani atigi mea-i isi atunuu, e pei o le United Arab Emirates ma Uruguay.”I le taimi nei la, o lea foi ua toe aliali mai lea fuaitau o “kamupani atigi mea.”

.Ina ia mautinoa lelei o lenei mataupu faatiga o loo tatou talanoa i ai iinei, ma ia mafaufau e faapea o nei mea uma e mai se punavai faalilolilo ia ua faaigoina o “Panama Papers,” o le ata ua o’o mai i le mafaufau ma ua matua popole ai ona o le manatu e faapea ua aafia Samoa i totonu o sea faiga tau faasese e peiseai o loo minoinoi malie ma ua matua loto lava i ai, o se tulaga lea e matua popole ai. 

Ae ui o lea, ina ua fesiligia le Palemia mo sona manatu, ona pau lava lana faaupuga: “Ou te le malamalama i lena mataupu.” Sa leai sana upu mo sina taimi, ae sa mulimuli ane ona fai mai: “Ou te fia iloa le ‘auga o lea mataupu.”

O lena taimi o le amataga lea o Aperila, ma o lea ua mavae le lua masina i le taimi nei-ae na te lei faailoa mai lava i tagata o le atunuu pe ua malamalama i le ‘auga o lea mataupu.  

Ae peitai, o taumafaiga i lea taimi ina ia maua mai se manatu faaalia mai le Kovana o le Faletupe Tutotonu o Samoa, o Maiava Atalina Ainu’ū Enari, o ia lea o le faauluuluga o le Pulega Tau le Taofia o le Faaaogaina o Tupe Leaga, sa le faamanuiaina foi.

O Fesili na auina atu i lana imeli e le’i tali maia. Ae poo le a lava, i totonu o se faamatalaga tau nusipepa na tuuina mai e le Faletupe Tutotonu, na ta’ua ai se faamatalaga a lea tamaitai e faapea: “E mafai e le tagata tomai tau le faaaogaina o tupe leaga ona una’i le sefulu, poo le faitau selau ma selau ma selau o miliona o tala ma ii, poo e ala atu i Samoa, i totonu o ni nai minute. Sa faaalia foi e lea Tamaitai: “O tagata nei e tatau lava ia i tatou ona, ma taofi ina ia faaitiitia ai le tulaga leaga ua fai i tagata Samoa e ala i le faaaoga o tupe leaga ma solitulafono ia e pogai ai le fai o tupe sese e pei o le solitulafono tau fualaau faasaina, faiga pi’opi’o, ‘alofia o le totogi o lafoga, faiga tau faasese, faiga pi’opi’o ma le tau faasese ma le ave faamalosi o tupe”

Ae poo le a lava,  i se sauniga e ese ai lea na ia ta’ua ai lu’itau e talitonu o ia o loo feagai ma le Samoa Financial Intelligence Unit (F.I.U), sa na faaalia malamalama ai lona popole i le faaaoga o tupe leaga, fai mai: 

“Ua iloa e le Financial Intelligence Unit e faapea  o le tele lava o pulega o le a suesueina i lalo o lenei galuega o loo faia le mea sa’o, ae o le 1% lea o loo galulue i fafo atu o le tulafono ua i luga o le faasilasilaga.”

E tusa ai ma lana faaaliga, sa na faailoa mai e faapea o le “faaaoga o tupe leaga o le taualumaga lea o se taumafaiga  e fai ni tupe e maua mai faiga solitulafono ma e foliga mai e afua mai se puna o faamatalaga faale-tulafono.”

Sa faamanatu mai ai: “O le faaaogaina o tupe leaga o loo faagasolo pea, i se tulaga e sili atu poo e itiiti ifo, i totonu o atunuu uma o le lalolagi. O le galuega o loo faia e le F.I.U.o le fai lea ia mautinoa e faapea o le puipuiga o faalapotopotoga tau tupe a Samoa ma o loo matua malu puipuia lelei ma e mafai ona fetuunai ina ia mafai ona o faatasi ma le fesuiaiga o taulaga tau le faaaogaina o tupe leaga. “O lea gaoioiga o loo faatūtū i tagata poto faapitoa tau le faaaogaina o tupe leaga i totonu o Samoa, faatasi mai tagata faava-o-malo e faaaogaina tupe leaga ia latou te ono faaaogaina Samoa e avea ma malae i totonu o a latou taualumaga tau le faaaogaina o tupe leaga. Ma o le aso 4 o Iulai 2016-o se Aso Toanai lea, taimi Samoa-sa i Europa Tuilaepa ona o pisinisi a le malo, lea na faa-talanoa ai o ia e Alex Duval Smith o le nusipepa o le Guardian. Na ia puipuia le matafaioi a lona atunuu i le avea ma atunuu e teu ai tupe o lafoga, fai mai ua tuuina atu ai se avanoa mo polokalame lautele mo tagata talavou ia e ono mafai i se tasi itu ona aafia i fualaau faasaina, o upu ia na tusia e Smith.

Na ia ta’ua foi e faapea o tulaga faigata o le suiga o le tau  i lona malo faa-atumotu i le Pasefika ua matua faalagolago lava i tupe totogi mai tagata tausi mea mo kamupani e pei o le Mossack Fonseca, lea o loo avea ma totonuga-lemu o Panama Papers. Na lipotia le faaupuga a Tuilaepa e faapea” “O le Samoa International Finance Authority (Sifa)- lea e resitala ai kamupani ia e le o’o mai i Samoa-e taua tele mo le faatupeina o a matou tupulaga talavou i taaloga.

 “I luga a;e o le faateleina o le malosi ma tupu pea o matagi, ua matou feagai ai ma se faafitauli fou tau vailaau faasaina ua aumai i totonu i luga o vaa e ala i le matou ofisa o tiute.” Na tusia e Smith: O Panama Papers na faaalia ai Samoa e avea ma tama taalo autu i tupe e tuuina atu. O faamaumauga na mama mai i tua na faaalia ai e faapea o le kamupani loia o le Mossack Fonseca na ia faatuina le sili atu i le 5,000 i totonu o Samoa e fai ma sui o ana paaga.” E manino mai e le’i faamaonia e Tuilaepa pe teena lea fuainumera. 

Ae ui o lea, na ia lagolagoina galuega a le S.I.F.A. fai mai “o i latou e aloa’ia faale-tulafono ma pulea, ma o Samoa o se tasi lea o saini i le to’atolu poo le fa’ o aiaiga e teena ai le faaaogaina o tupe leaga.”

O le mea moni, e le mafai ona suia le S.I.F.A., o le faaaliga lea a Tuilaepa

Fai mai a ia: “A aunoa ma le S.I.F.A., e le mafai ona faatupeina lo tatou auai i le Ipu o le Lakapi a le Lalolagi.”

Na tusia e Smith e faapea o “Tuilaepa sa i Brussels e talia se €20.2 miliona le fesoasoani a le E.U., ina ia faaaluina faapitoa i le tuuina atu o le tulaga lelei ma le suavai mamā mo le faitau aofai o Samoa e 200,000 tagata. 

 “O tagata o le atunuu e soifua faapitoa i le fagota ma o tupe auina atu e le 300,000 malosi o tagata i totonu o Niu Sila, Ausetalia ma le Iunaite Setete. 

Na ia faaaogaina lana lauga i tagata e foa’i mai tupe ma faalapotopotoga tau fesoasoani sa auai i le European Development Days ina ia talosagaina le toe faaleleia o le tali mai i mana’oga o setete tau ati a’e o atumotu laiti pe a tulai mai le suiga o le Tau.

 “E ta’u mai ia i matou i taimi uma o a matou galuega e matua laiti tele mo le faatupeina. O isi taimi e poloka ai matou e le mamafa o talosaga ma mana’oga tau le lipotia,” o lana faaaliga lea, ma na toe taua ai e faapea o avanoa tau tamaoaiga ua faaitiitia mo atunuu e pei o Samoa. O Faiga-faiva ma le turisi ua tuuina mai ai se ala taua tau le atiina a’e mo nisi mea, ae o le suiga o le tau ua matua afaina ai nei vaega. O se tasi o laasaga aupito i leaga o le lanu mumu lea o ‘amu lea ua faaleagaina ai matou a’au, ma faatama’ia ai puna masani o oloa tau taumafa.”

Ae peitai, o le “tau o loo tumau pea ona avea lea ma vaega na te faia le tonu mo Samoa. O sina vaai puupuu i le @D.M.O Samoa i luga o le Twitter ua faaalia ai le tulaga masani o le tafia o auala, tau faamata’u a le tsunami, lipoti o le mafui’e, pe o le paoa ma lologa.  “O le fesoasoani mai le Alii o i lugā,” ona pau lea o le faamalamalamaga a Tuilaepa e uiga i le pogai ua le mafai ai ona tafi ese setete o atumotu mai le faafanua o le lalolagi. “Na ia ta’ua o le afā o le 2009 lea na sasa ai Saoa e ni galu e 20 futu le maualuga, na pogai ai le $400 milion (£301m) o mea na faaleagaina ma faatuai ai le faau’uina o le atunuu i le tulaga o le atunuu e middle-income” se’ia aulia le 2014.”Ma o lena, o le a la sa tatou upu a fai? Ona o lea la ua e maua le isi u fanafana i totonu o lau ato-o –u, ia-malo lava le fai o le faiva le Palemia o Tuilaepa. Afio maia i lou atunuu.

By Faaliliu e Seagaitumua Tupuola 07 July 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>