Manuia tele le 10 Tausaga!

Tusia Ilia L Likou ma Fa’aliliu e Maiava ,

144 Hits

Afioga a le Minisita Lagolago, Salausa Dr. Ah Ching, le Minisita talu ai o le Soifua Maloloina, Gatoloai Amataga Gidlow ma le Minisita o lo’o iai nei, Tuitama Dr. Leao Tuitama i le taimi na fa’amanuiaina ai le keke o le Aso Fa’amanatu.

Afioga a le Minisita Lagolago, Salausa Dr. Ah Ching, le Minisita talu ai o le Soifua Maloloina, Gatoloai Amataga Gidlow ma le Minisita o lo’o iai nei, Tuitama Dr. Leao Tuitama i le taimi na fa’amanuiaina ai le keke o le Aso Fa’amanatu.

Ata e Maea Ta’ateo

 

O le amataga o le vaiaso nei, na fa’amanatu fiafia ai e le Vaega o le Soifua Maloloina se tasi o matati’a iloga ua ‘ausia.

O le Fa’ailogaina o le 10 Tausaga o le Vaega o le Soifua Maloloina – lea na va’aia ai le tu’u-‘ese’eseina o le vaega mo ‘Au’aunaga fa’aSoifua Maloloina Aoao (NHS) ma le Matagaluega o le Soifua Maloloina, o se tulaga e toe tepa ai i tua lea Vaega i mea na tutupu mai le 10 tausaga ua mavae e o’o mai i lenei taimi. 

Na amata lea aso fiafia i se savali tele na faia i le taulaga i Apia. Ina ua mae’a le savali, na alo ai i se sauniga fa’afetai na ta’ita’ia e le Faife’au o Auva’a Peseta.

O lea fa’amoemoe na tu’u-fa’atasia ai le Matagaluega o le Soifua Maloloina, le Vaega mo ‘Au’aunaga fa’aSoifua Maloloina Aoao, le Vaega mo Togafitiga Tau Fatuga’o ma isi pa’aga a le Vaega mo le Soifua Maloloina. O le Aso 01 o Iulai ole 2006, na tu’u-‘ese’eseina ai le Matagaluega o le Soifua Maloloina ma le Vaega o ‘Au’aunaga fa’aSoifua Maloloina.

O lea tulaga na una’ia malosi e le malo e ala i ana Fuafuaga mo le Atina’eina o Samoa.

O le pasia o nei Tulafono e lua, ua fa’aalia manino ai le fa’ananau o le malo i le fa’amautuina o le saogalemu i le tausia o le soifua maloloina lelei e ala i le fa’a’ese’eseina lea o le Matagaluega mai le ‘Au’aunaga e tu’uina atu ai le tautua fa’aauau e maua ai seleni mai le atunu’u lautele.

I le masina o Mati 2005, na fa’avaeina ai le Vaega mo Togafitiga Tau Fatuga’o, mo se taumafaiga e “tau fa’aitiitia fa’ama’i tau-fatuga’o ma isi fa’ama’i e afua mai ai” e ala i le tu’uina atu o se ‘Au’aunaga talafeagai ma lelei mo gasegase ua matua fa’aletonu o latou fatuga’o. 

O le Minisita o le Soifua Maloloina, o Tuitama Dr. Leao Tuitama sa momolia le fa’afetai i ta’ita’i ma le ‘aufaigaluega aoao o lo’o tautua i ia vaega o le Soifua Maloloina.

© Samoa Observer 2016

Developed by Samoa Observer in Apia