Se’e le Afio’aga o Apia, e leoleo le Taulaga

Tusia Lanuola Tusani Tupufia ma Fa’aliliu e Maiava ,

193 Hits

I se taumafaiga lava e pu’epu’e-maua tupulaga talavou o lo’o fa’afitauli nei i le taulaga, na ta’ua ai e le Pulenu’u o Apia, o Tuiletufuga Siaosi Tuiletufuga, ua asiasia nei ma leoleo e le afio’aga, nofoaga uma ma maga-ala i le taulaga.

I se taumafaiga lava e pu’epu’e-maua tupulaga talavou o lo’o fa’afitauli nei i le taulaga, na ta’ua ai e le Pulenu’u o Apia, o Tuiletufuga Siaosi Tuiletufuga, ua asiasia nei ma leoleo e le afio’aga, nofoaga uma ma maga-ala i le taulaga.

Ua a’e nei se tofa a’o se fa’autautaga i le Afio’aga o Apia, o le a matua alo ane ma taumafai e fai se fa’atatau i tupulaga ma kegi-fa’aleagamea o lo’o fa’atupu-fa’alavelave nei i le taulaga o Apia.

I se taumafaiga lava e pu’epu’e-maua tupulaga talavou o lo’o fa’afitauli nei i le taulaga, na ta’ua ai e le Pulenu’u o Apia, o Tuiletufuga Siaosi Tuiletufuga, ua asiasia nei ma leoleo e le afio’aga, nofoaga uma ma maga-ala i le taulaga.

O le le-fiafia tele o le afio’aga ona o va’aiga mataga o lo’o fa’atino e tupulaga le-a’oa’ia i le taulaga, na ta’ua ai e Tuiletufuga, o tamaiti-tata’a nei e le o ni tamaiti o le nu’u o Apia.

 “E matua le-iloa e le nu’u po’o fea e o-mai ai tagata nei ae ‘ou te ta’utino atu, e le o ni tamaiti mai le matou nu’u,” o le fa’aaliga lea a le Pulenu’u. 

“Ua tele le fa’asoesa, fa’atupu-fa’alavelave i Apia ua ta’uvalea atu ai ma le matou nu’u ae matou te le-talia lea mea.

“Ua mae’a ona fono le matou nu’u i le mata’upu lea ma o le a va’ava’ai e matai uma ma taulelei o le nu’u, tagata nei e fa’atupu-fa’alavelave i le taulaga…

“O le faigata lea, ona e faigata ona pu’e tamaiti nei talu ai, e foliga mai o lo’o fuafua lelei lava taimi e fai ai a latou osofa’iga, i taimi ua leva le po – pe a ua le-va’aia matai ma taulele’a o le nu’u nei.” 

Na fa’amatala e Tuiletufuga, le tala mata’utia, e fa’anoanoa ai lava ona o nisi sa afaina i se osofa’iga i Matafele.

“E fa’anoanoa lava ina ua fa’alogo i le afaina o le faletua o Retzlaff ,” o le fetalaiga lea a le Faletolu. 

“Matou te le o nofoa’i, o lea fo’i e fai la matou galuega e fesoasoani ai i leoleo. Pau lava lea o le fia maua – po’o ai tupulaga nei, aua matou te maua loa, e fiafia lava e tu’usa’o i a’ao o leoleo se’i feagai ma le tulafono.” 

Na fa’ailoa mai fo’i e Tuiletufuga, o lo’o savavali matai ma taulele’a o le nu’u i maga-ala o le taulaga, e asia  pea i le tele o taimi, ina ia mautinoa le saogalemu o le atunu’u feafioa’i i so’o se nofoaga ae maise fo’i, o nai tagata tafafao mai fafo.

E le gata i lea, sa fono fo’i le Pulenu’u ma le Minisita o Leoleo ona o mea o lo’o tutupu pea i totonu o le taulaga. 

E talitonu Tuiletufuga, o le polokalame lea e fa’atasitasi i ai tupulaga, lea e faia nei i luma-maota o le malo, o le tasi lea o mafuaga o le tele o soliga-tulafono o lo’o tutupu mai ai i le taulaga. 

E ioeina e Tuiletufuga le mafuaga o le faia o lea polokalame, e fa’amalosia ai tupulaga e mafuta fa’atasi ma fealofani, ae na ta’ua, e iai lava se vaega o tupulaga nei o lo’o fa’aaoga seseina le avanoa lea e fai-fai mea-valea ai.

Lua vaiaso talu ai, na osofa’ia ai nisi o le atunu’u e se vaega o tupulaga talavou i le taulaga, ae maise lava tagata e feoa’i ta’ito’atasi i le taulaga i le po.

Lata mai nei fo’i, na gaoia ai e tupulaga lava nei le tele o mea-totino a nisi sa fa’atau, e aofia ai mea’ai ma telefoni. 

O nisi, o se uo sa taumamafa i se fale’aiga ma sana uo ae osofa’ia ai mai tua o le fale o le malo, ‘ave pizza ma mea’ai. E laki lava o le sosola vave.

O le tasi ali’i sa aga’i le fale’aiga o Pinati e fa’atau mea’ai, a o le fo’i ane ae osofa’ia ai fo’i, fasi ae fao mea’ai ma sosola.

Ae mulimuli nei se ali’i-talavou na fasi e isi fo’i ali’i talavou e to’atolu, ma i’u ai lava ina maliu i le falema’i. E mata’utia le tulaga ua iai tupulaga o nei aso!

© Samoa Observer 2016

Developed by Samoa Observer in Apia