Ola faigofie mai fua o le faatoaga

By Aruna Lolani 08 May 2017, 12:00AM

O le galue ai i le faatoaga o se galuega ua masani ai lava o tatou tagata mai le amataga sei vagana lava le taimi na asia ai e atunuu mai fafo ma aumai ai suiga tetele i le atunuu

O nisi o le atunuu o lo’o aumau i nuu i tua ua tele ina latou atina’eina le tele o faatoaga mo le latou foi ia soifuaga ma o lo’o faamalieina ai lava o latou manaoga i le faatauina o fua o faaeleeleaga 

Mo le tamaitai o Salote Joe, sefulu-iva tausga le matua o lo’o ia fiafia i lana galuega o lo’o fai ne ii le faatauina o fua o le faatoaga mo se seleni i aso uma

“O se itu lelei tele lea mo i matou aua e nonofo mamao mai i le taulaga ma o lo’o taumafai lava e atia’e lava i mea e maua i o matou lima” o lana tala lea i le Fofoga o Samoa

“O lo’o galue lava le faatoaga i le mea o lo’o matou nonofo ai ina ia maua ai se matou tupe  e ui foi lava ina lelava se tupe e maua ae e taumafai lava

“E umi lava se taimi o faatali lona fua mai ma le taimi e toto ai ae a oo lava i le taimi e selesele ai e o’o lava i le taunuuga lelei

“E tuu atoa lava iai lo matou taimi aua le taumafaiga o le faatoaga aua ua na’o le pau lea o le mea o lo’o faalagolago iai

“E faatau esi ma talo ma le tele ma le anoanoa’i o nisi o fua o le faatoaga  ma o le tupe maua e fetaui lelei ma talafeagai

“O lenei galuega ua lava ma totoe mo a’u lava ia

“O nisi o tagata e faapea o le galuega lenei a tama ae e leai o le tiute fai lea a tagata uma lava a leai se galuega ia atia’e le faatoaga

“O le taimi nei ua taugata le tau o le soifuaga ma o nisi o aiga ua le gafatia e pei o i matou ae a iai le faatoaga ua lava lea ma totoe

“To’afa nisi o a matou aiga matou te nonofo faatasi ma atia’e le faatoaga aua se lumanai manuia latou ia

Ua ia talitonu i lenei olaga i le tele o suiga ma luitau ua iai nei ae o le mea moni a tatou malolosi e galulue mo aiga ua lava lea.

“So’o se galuega e taua lava mo le tausiga o aiga ma fanau

“O le faatoaga lava ia e mo matou o l’o nofo mamao e atia’e ina ia maua ai se seleni mo aiga

“O le nofo a ii nuu i tua e maua ai le fiafia ma le saolotoga e te le popole i se mea se tasi

“E le tau totogiina se pili o le vai aua o le matou lava vai sei vagana ai le pili o le moli o lo’o totogi

“A’o nisi lava tulaga e maua mea uma ma le saoloto i le nofo a ii nuu i tua.

By Aruna Lolani 08 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>