Mo’omia se galuega ma se fesoasoani tau femalagaina

By Aruna Lolani 08 May 2017, 12:00AM

O le mana’o lava ia ina ia atia’e aiga, ae o lea le itū o le leai se galuega toe leai se tupe e fa’atino ai. 

O lea le manatu o le tamā ia Va’afai Tulima mai le afioaga o Ta’elefaga. 

O le maua ai o le la fa’atalatalanoaga ma le Fofoga o Samoa na fa’apea mai ai le tamā e matua faigata lava le olaga I lenei vaitau. 

“Ia o le tamai nei o lo’o fa’amoemoe lava i le totoina o le ava mo se seleni. 

“Ia e maua lava le tupe I le fa’atauina o le ava ae o lo’u lava manatu ia ina ia maua se galuega e fa’amoemoe iai le aiga. 

“O lo’u lava ia naunautaiga ina ia maua sa’u galuega ma a mafaufau atu foi le mamao mai nei i Apia o se tasi foi lea fa’afitauli. 

“O le isi foi lea itu o si o matou aiga le momolina le fanau. 

“O le ava e le’o se tulaga faigata ae o si ona pona e leai se tasi ma te to’alua I le fa’atinoina o le ava o lea foi le tulaga e tau faigata laititi ai. 

“E tele lava manaoga si o matou ai, we mana’omia le faia si o matou fale, tele lava mea e mana’omia ae maise lava aiga pei o matou I tua nei mamao mai ma le taulaga ma nofoaga maualuluga. 

“Tele lava o taimi e leai ai se tupe, ia uma a’e ua sulu solo lava le ulu e su’e se tupe, o se tasi o tulaga e faigata lava na ota faia ae ua le ma lava le mativa. 

“A tu’u lava se isi itu o a’u lava sa tatau lava ona fa’alagolago mai ai le tama ae ui I lea e leai se galuega e fa’atino ai tulaga e mana’o mai ma fesoasoaani ai ia te ia.

“Amuia nai isi o aiga o lo’o to’atele lava aiga i fafo fe fa’alagolago iai ma maua mai ai le fesoasoani. Amuia nai ia aiga. 

“O le taimi nei tua ou mana’omia lava se galuega, ae o lo’o mamafa foi le mafaufau po le a le tulaga e maua ai se auala po’o se ta’avale e faigaluega ai. 

“Aua a fua atu le mamao o lo’o iai nei, e a le’o le faigaluega e totogi le pasese e alu ai le galuega, pe tuai foi le galue ua leiloa le mea a fai. 

“Out e mana’omia lava se galuega ma mana’omia foi se fesoasoani tau femalagaina.

By Aruna Lolani 08 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>