Manatu o le Fa’atonu - E moomia le Lototele, ma le mitamita
Ia-o lea foi ua tatou toe faagasolo. O le taua o le faateleina pea o le vaivai ona o le faaauau pea o osofaiga ma le una’i malosi i le va o ni fili masani se to’alua o ni malo mitamita-o le a toe tulai mai nanei i Parramatta pe a faafesaga’i la tatou Toa Samoa ma le mata’utia o le Mate Ma’a mai Tonga.
A pa’ia loa le tulaga tau taaloga faitauina, e leai sona tulaga lelei e sili atu i lo le lua o fili atupito tetele faava-o-malo faaatasi ai ma tagata e matua mitamita ia o le a tau fai faafesaga’i.
O le mea moni lava e faapea e matua leai lav se mea o i ai pe o le a le faiga, taaloga poo lea tauvaga..
O lona uiga la-o le taaloga faitauina a le Pasefika, lea ua avea ma mea ua fai faalua- e faapea o loo auai foi Fiti ma Papua Niu Kini, ua mou atu i seoli ma ua nofoi i le nofoa pito i tua-o le taua o lagona nanei.
O le mea moni, o le ta’ua o Samoa e taaalo ma Tonga o le a vave ai ona iloa e tagata le taunuuga. Mo nei malo e lua, o ia mea uma e faasino i le mitamita ia te ia lava; aiga ma le atunuu. E leai lava se isi mea e sili atu, leai foi se mea e itiiti ifo.
O le pogai lea o la matagofie ai ia fetauiga i le matamata, o le pogai lea ua maualuga ai lagona, na te faamatalaina le pogai e uiga ese ai ia pu’e ma e faailoa atu ai foi i tagata ia atonu latou te le o iloa le pogai e una’ia ai tagata matamata-e aofia ai ma tagata Samoa iinei ma fafo-ona matua una’ia ona o lea tulaga.
I le avea ma tagata, atonu e mafai ona tatou faia’ina ia Fiti ma faagalo i le isi aso.
. Ae le faapena foi Tonga. Tatou te le fia faia’ina ia Tonga ma e faapena foi le lagona lautele o tagata Tonga foi ia. O le mea mulimuli lava latou te mana’omia o le faia’ina lea i tagata Samoa. E matua anoano le tala faasolopito o loo lautua i lea finauga ae atonu o se tala lena mo se isi aso.
A’o alo atu mo tapenaga i le faagasologa o nai vaiaso ua mavae, e anoano upu ma tala na fai e uiga i tulafono tau le agavaa ma mataupu ia atonu o loo faasaina ai nisi o tama taalo lelei mai le o atu e taaalo mo soo se ‘au. O se tasi o mataupu o loo mafuli i ai talanoaga e tusa ai ma Samoa –o le le auai lea o Anthony Milford lea na ia faaalia mamino lona naunau e ofu i le ofu taalo lanu lau’ava me le auro a Ausetalia a’o lumana’i ai lona naunau mo Samoa. O le mea moni e te le tuuaina o ia ma le toatele o isi tagata taalo ia o loo i totonu o lea lava tulaga.
I se faaupuga faigofie la, ua matou fiu i lenei anoano o upu ma tala e uiga ia Milford. Ua umi na’ua se taimi o fai pea. Aua ne’i o outou ave seseina i matou, o Milford o se tagata taalo talenia ae o le a se isi umi e tatau ona matou toe faatali ai ma faamoemoe mo se mea e le mafai ona tupu mai. Ua o’o i le taimi e faagasolo ai i luma. Saili se isi Milford mo Samoa. E lefaigofie lena mea?
A tatou tilotilo i le ‘au a le faia’oga o Matt Parish, e tele ni suiga iloga mai le ‘au faatulagaina lea na faato’ilaloina Tonga i le faagasologa o le latou fetauiga talu ai. Sa le auai tama taalo iloga e pei o Daniel Vidot, Mose Masoe, BJ Leilua, Tim Lafai ma Josh McGuire ma isi lava.
Ae peitai-sa tumau pea le faamoemoe. O le a tuuina atu e Pritchard, Kasiano ma Junior Paulo ni pu’e se tele i tagata Tongan .E anoano tama lakapi lelei i totonu o lenei ‘au, o loo taitaia i se tulaga uiga ese e se tagata talavou o Frank Pritchard lea o le a toe soso’o faatasi foi ma Sam Kasiano. O ai na te mafai ona faagalo le latou taaloga uiga ese i le tausaga talu ai faatasi ai ma se pu’e na le mafai ai ona maua se sikoa?
O le a fesoasoani ia te ia Tim Simona, Pita Godinet, Atonio Winterstein ma Ricky Leutele-o ia lea o le a na tuuina atu se sipaka i le laina i tua a le Toa Samoa. O isi nofoaga i le paka, o loo i ai ni tagata iloga tau le taalo i le polo e pei o Kirisome Auva’a-o ia lea e aunoa ma se masalo-o loo faamoemoe na te faailoa atu se manatu pe a uma ona sopo loa le vaai a isi ‘au ia te ia.
I sana faaaliga i le Samoa Observer i le amataga o lenei vaiaso, e foliga mai ua matua talitonu atoatoa le Faia’oga o Parish i ana tama taalo. “O le mafuaga ua ‘ou tuufaatasia ai le ‘au ua ia te a’u i le taimi nei ona o i latou ia o tama taalo e sili ona lelei ua avanoa i le taimi nei,” o lana faaaliga lea.
Ua uma ona matou filifilia se ‘au e sili ona lelei faatasi ai ma se faafefiloiga lelei o o tama taalo poto masani ma nisi o tama taalo talavou uiga ese na filifili mo le taimi muamua faatasi ai ma le mafaufau i le Ipu a le Lalolagi i le tausaga fou.”
“Ou te talitonu e faapea o tama taalo ua filifilia o le a latou faamitamitaina o latou aiga ma tagata Samoa.” E leai se mafuaga o ia i matou e masalomia ai lena tulaga. Ma ua faigata ona matou faatali mo le faaili e amata ai.
O le mea lea. Alu i ai Toa Samoa. Ia outou maua Samoa se faaiuga matagofie o le vaiaso ma ia faamanuia atu le Atua!