Faatonuina Tagata ina ia tula’i ese

By Lanuola Tusani Tupufia 08 May 2016, 12:00AM

Ua toe faamanatu atu e le Palemia o Tuilaepa Sailele Malielegaoi i latou o loo nofoia Sogi ina ia tuua lea vaega-eleele ae se’e atu i se isi nofoaga. O se tusi e faatula’iese ai ia tagata na poloaiina ai e faapea ua tuuina atu le 30 aso e tuua ai o latou aiga ma e faapea ua uma le taimi. 

 “O loo latou nofoia lea nofoaga i se faiga solitulafono,” o le faaaliga lea a Tuilaepa. “Na tuuina atu ia i latou le avanoa e o ese ai ae tete’e latou te le o ese ma e tele isi avanoa o le a tuuina atu ia i latou faaopoopo i ai ma le tula’i mai o se tsunai ma (aafia ai i latou).”

Na toe ta’ua e Tuilaepa ua leva ona faapalepale le malo ii a tagata.

Na ia ta’ua le tulaga tau le vevela o le lalolagi ma se feagaiga na saini e Samoa i Niu Ioka e faamaonia ai le feagaiga COP21  A’o ia faamatalaina e faapea e na o le 15 mai le 177 atunuu na sainia le faamaoniga o lea maliega, o isi atunuu o loo saili pea so latou taimi e saini ai i le feagaiga.

Na ia toe ta’ua e faapea o le afā malosi o Ofa na ia aumai ni matagi e 125 maila i le itula ma a’o le’i atoa se tausaga mulimuli ane ai, ae oso mai le afā o Valelia faatasi ai ma matagi malolosi e 175 maila i le itula.“O le afā o Winston na lavea ai Fiti faatasi ai ma matagi e o’o au le malosi i le 200 maila i le itula ma o le isi mala na aafia ai Filipaina i matagi e 300 maila i le itula. 

“Tatou te le iloa le ono tula’i mai o se isi mala lea e ono taia ai tatou e 500 maila i le itula faatasi ai ma ni galue tetele ia e ono mafai ona tafi atu ai aiga ia o loo iinei i Moamoa.”

Tuilaepa urged the families to move before a natural disaster strikes. 

Na una’ia e Tuilaepa ia aiga ina ia tula’i ese loa a’o lei o’o mai se isi mala faale-natura.Na ia faailoa atu foi e faapea foi se mataupu na tupu i lona nuu o Saleapaga lea na ia fautuaina ina ia fau lo latou falea’oga i uta.

Fai mai le Palemia sa toē latou ia te ia a’o faailoa atu ona manatu ae i le 15 masina mulimuli ane ai-ae tulai mai le tsunami.  “E limasefulu tagata na maliliu ai ma e leai se tasi e tatau ona oti pe ana latou faalogo ia te a’u,” o lana faaaliga lea.

“O le uiga o la’u faamatalaga o lea lava matou te lava faapale ia i latou ae ono mafai ona tulai mai se mea tatou te le’i faamoemoeina ona latou faanoanoa ai lea.”O le masina talu ai na tuuina atu ai e se tina matua o Sogi, o Tala Lei’ataua, se talosaga ma le loto maulalo i le Palemia.

“Ua matou sauni e tali taunuuga ae peitai-matou te manana’o ia tanu i matou i luga o lenei vaega-eleele, Tuilaepa, o lenei ogaeleele o loo i ai lo matou tuugamau,” o le faaaliga lea a lea tamaitai.

“Faamolemole tu’u pea matou e nonofo i lenei vaega-eleele. O le eleele lenei e faasino i ai matou. O matou matua ua mavae sa matua galulue malosi e faa-gatasi lenei taufusi i le faagasologa o taimi o le pulega faa-kolone a Siamani-mo i matou. Matou te fia nonofo pea iinei. 

Afai lava e finagalo le malo e aveese i matou, fai mai Tala: “Ou te talosagaina le malo ina ia ‘eli se lu ma tau’ai matou uma i totonu. E sili ia te a’u ona ‘ou oti ma tanu i le eleele o o’u tua’ā ua tuuina mai ia i matou.”

O le aiga o lea tina matua-o loo filo i le sili atu i le tolusefulu aiga o loo i Sogi i le tele o tausaga-ae o lea ua fai mai ia maatou o atu i Falelauniu. O lea faaiuga a le malo ina ia siitia atu tagata o loo nonofo i Sogi-na mua’i faalauiloa i le 2011.

Sa ofo atu e le malo i lena taimi i aiga se kuata eka o eleele o loo i Falelauniu-ia e mafai ona latou lisiina ma umia sa’oloto mulimuli ane ai i se tau e sili atu teisi i le $30,000 ma le $3,000 tinoitupe e siitia atu ai.  

E to’atele aiga ua latou talia lea ofo ae toatele atu aiga na teena lea ofo.

By Lanuola Tusani Tupufia 08 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>