Mafatiaga o le tausiga o aiga

By Fetalai Tuiluluu 07 March 2017, 12:00AM

O le aso ananafi sa maua ai le fa’atalatalanoaga ma le tinā ia Aiguki Samuelu mai le afio’aga o Leusoali’i ma sa ia fa’aailoa ai le faigata o le fatuaiga tausi.

“O lenei olaga o lo’o tatou iai o le tagata lava ia ma lona aiga. O lana lea saunoaga. 

“Tou te tau mai nei le tou polokalame toā malolo mai le fale i feau masani lava o le faimaumaga. 

“O le maumaga lava le vaega o lo’o ola ai nei ma tausi ai le fanau, aua o si o matou aiga e leai sesi e faigaluega na’o maua a ma le tamā ma le fanau to’alua. 

“Ia o le fanau e ao’oga ae o maua ma le tāma o lo’o gafa ma le tausiga le aiga ae maise ai lava le su’eina se tupe aua le fanau aoga. 

Sa fa’alia e le tinā o le galuega ai i totonu le maumaga o se galuega faigata tele aua foi e ese na tōtō ae masinā fa’atoa tali mai le o fua o fa’atoga. 

“Talu ai ona o le lēai se tasi faigaluega o le aiga nei, ia na’o le maumaga lava o lo’o fa’amoemoe iai e ave fa’atau gatai le auala tele mo sina seleni. 

“O le a lava le seleni e maua mai ua lava lea ma totoe e fa’asoasoa mo le fanau aoga ae a maua a le saka ma le iputi le afyafy ua lava lea ma totoe.  

“Ia o le taimi nei ua pei se mea masani lava le galue le maumaga mo se tupe maua. 

Sa tāua foi e le tinā o lo’o lelei mea uma tau paipa ma le eletise peitai o le tala i le seleni e utiuti lava. 

“O le taimi nei e pei na fai atu le taimi ua sola o le maumaga e pei na tou silasila atu ai e umi se taimi e fa’afailele ai, o le uiga la o la’u tala e le maua taimi uma se tupe e fa’alagolago lava i le taini e mātua ia talo ma fa’i e ave fa’atau. 

“E fia mana’omia lava se seleni ona o pili aoga a le fanau ae maise foi o pasese, o le mea nei e fai o mea le nu’u, tausiga le lotu, o fa’avalevale ae le gata foi i lea o le mea’ai. 

“Ua leiloa le mea a fai ona o le tele lava o le taugata le soifuaga. 

  Mo se tasi e fiafesoasoani le tinā e maua le feso’otaiga le 7745947.

By Fetalai Tuiluluu 07 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>