Manatu O Le Fa’atonu - Ua faatau atu le Bluesky Pacific mo le $79.2 miliona

By Faaliliu e Seagaitumua Tupuola 01 September 2016, 12:00AM

O le Aso Lua o lenei vaiaso na taunuu mai ail se imeli. Fai mai: “O le a matou tuuina atu se faamatalaga taeao  mai le Bluesky e uiga it ala fou o loo i ai. “Ae ui o lea, matou te manana’o e faasino atu ia te oe pepa o faasalalauga i nusipepa na lomia, e faailoa atu ai e faapea o le kamupani faa-matua a le Bluesky, o le Amper-ua tonu ia te ia e faatau atu ona sea i le ATH mo le Bluesky Pacific. 

 “O lenei tulaga na faalauiloa i le afiafi ananafi i Sepania (Taimi Samoa).” Ona fautua mai lea o le imeli: “Faamolemole silasila i fesootaiga i latoo mo nisi faamatalaga e uiga i lea fefaatauaiga.”

Ona tuuina mai lea e le imeli o se lapata’iga: “O le “Bluesky  o loo tumau pea ona i totonu o se taualumaga tau le faamae’aina o se faamatalaga mo nusipepa ma o loo sailia se faamaoniga e tuuina atu ai. 

“Matou te faamoemoe e tuuina atu taeao.” 

O le asŏ lea..

Na muta lea imeli i se fuaiupu o i totonu o ni mata’itusi tetele e faapea lona faitauina: “FAAMOLEMOLE IA MATAU MAI E FAAPEA E LE O IA I MATOU SE FAATAGAGA E TUUINA ATU AI I NUSIPEPA. FAAMOLEMOLE-IA ‘AUA NE’I TA’UA I MATOU I LUGA O LENEIO PEPA.” Ae, poo le a lava mafuaga a lē na tusia, matou te aloa’ia lana talosaga. O le a le ta’ua lona suafa iinei. 

Ae ui o lea, matou te talitonu e faapea o ia upu e lua o loo i totonu o lana emeli-“Amper” ma le “ATU”-e matua le masani ai le vaega toatele o tagata Samoa, o lea e tatau ai ona toe tuuina mai sina faamalamalamaga teisi. 

Ia-se’i o tatou vaai. O le Amper o le igoa lea o se tagata Sepania na faia mea faigaluega tau fesootaiga-lea e pulea le Samoa Bluesky Pacific. 

O le ATH, i se tasi itu, e tula’i mo le   Amalgamated Telecom Holding, o le kamupani Fiti e pulea e Fiti lea e faapea o loo faagasolo e le Amper se taualumaga e faatau atu ai le Bluesky Pacific. O le tau e pei ona lipotia e $79.2 miliona.

Ae i le taimi nei-o lea maliega ua latalata i lona faatinoina, faatasi ai ma le faatauina atu o le Bluesky i le ATH e pulea e Fiti-ma o lea o le a vave ai ona faagaoioia lea kamupani e tagata poto faapitoa o Fiti, ae o fea o i ai a latou paaga Samoa ia e ono tulai mai o le a toe fesuia’i talu ai lea tulaga, e saili ni a latou galuega?

I le taimi nei la, pe e te loto i ai pe leai, o le fesili e faapea tatou te talitonu o se tasi o i totonu o lo tatou malo- e tatau ona tali mai.  

Ua lelei, ae faapefea lo tatou Palemia, o Tuilaepa Sailele Malielegaoi, o ia lea na te iloa lelei le anoano o mea i lo tatou-e uiga i nei mea? Poo le a lava, ou te manatu e faapea o le pulea o le Bluesky Pacific e se kamupani Fiti, e tatau ona avea lea ma mafuaga ua lava ma totoe mo lo tatou malo e tatau ai ona faaaloalo teisi ia Frank Baniamaran ua matua, lea e manino mai o le matua fili autu o Tuilaepa-o ia foi lea ua avea ma Palemia o Fiti. 

O i la’ua ia e to’alua e tatau ona galulue faatasi e tusa ai ma lo’u manatu, ae le o le osofa’i e le tasi o le isi faalaua’itele i taimi uma e peiseai e le o i la’ua o ni tagata mai le Vasa Pasefika i Saute e tasi. Ma i le taimi nei la e faapea o le a toe sikoa foi “Bani” ua matua i le isi  solo tete’e uiga ese, o le isi u mo lana taga-u mo le faailoa atu ma le leo tele, masalo ua o’o i le taimi mo i la’ua e to’alua e malilie faatasi ai ma faatalofa, ma faatau ofo atu moomooga lelei o le tasi i le isi.  Ma a o la i ai i lea tulaga, masalo e tatau ona la faautagia le Ofisa Sili o Pulega (C.E.O.) o le Bluesky Pacific Group, o Mr Aoe’e Adolfo Montenegro, lea na te faailoa atu ia i la’ua: “Ua uma ona ma faatalaina atoatoa i Malo, a matou isi tagate teutupe faafaigaluea o le atunuu ma la matou aufaigaluega a le Bluesky-e uiga i lea fefaatauaiga. “O la’u ma o le faamuamua foi lea a le vaega tau pulega, ona mautino e faapea o loo faaauau pea ona matou vaaia lelei aia tatau a o matou tagata faisea uma, le aufaigaluega, ma tagata faatau i le faagasologa atoa o lenei taualumaga. 

 “O a matou vaega o loo tumau pea ona silasila toto’a i le faaauauina o le auaunaga ma faaopoopo atu le taua ia matou paaga ma o tatou nuu i totonu o le atunuu.”

Ma ona faagasolo ai lea ma faitau le faamatalaga atoa a Mr. Adolfo Montenegro i lalo.

By Faaliliu e Seagaitumua Tupuola 01 September 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>