Mana’onia e le tamā le fesoaosani i lona fale

Tusia Deidre Tautua-Fanene ,

71 Hits

Palasala Fa'afetai o Leusoali'i.

Palasala Fa'afetai o Leusoali'i.

O Palasala Fa’afetai lea o lo’o ia mana’omia se fesoaosani i le fausiaina o lona fale.

O lea tamā e 45 le matua o le soifua mai Leusoali’i ma sa ia ta’ua ai o se miti ua leva ona moemiti ai o se fale lea mo lona aiga.

O Fa’afetai e to’afa nai ona alo ma o ia fo’i o lo’o tausia si ona aiga.

O le latou alagatupe e auala mai i lana fa’atoaga.

 “O lo’u fale lea, ma e na’o a’u lava ou te nofo ai,” o lana saunoaga lea i le Fofoga o Samoa.

“O lo’u to’alua ma la’u fanau teine e to’atolu o lo’o nonofo i le matou faleo’o e tu i le a’ai.

 “O le fale lenei o se fale e sulu mai ai lo’u aiga pe a o’o i le taimi o a’alavelave fa’alenatura, ae tutusa lelei lava ma le telē o le matou fale o lo’o i tai i le a’ai.

 “E fai atu uma iinei mea’ai a mae;a ona ou savali lea i tai i le a’ai e momoli le mea’ai a si a’u fanau ma lo’u to’alua.”

E maua atu e le Fofoga o Samoa lea tamā o lo’o ao mai atigi popo a Iosefo e amata ai ona fai ana gasesega.

 “O la’u fanau teinei e to’atolu e nonofo lava ma le latou tinā ae ou te nofo lava i’inei ona o le va’aiga o le matou fa’atoaga.

 “O lo’u atalii e to’atasi na alu e asi le matou aiga i Moata’a a’o lea ua alu fa’amisiona i le ekalesia o le au paia o aso e gata ai, o lea la ua ou nofo to’atasi ai i’inei.

 “O le fa’atoaga o le alagatupe lea a le matou aiga ona e fa’atau atu a’u aufa’i fa’apea ai ma a’u koko samoa.”

Sa fa’ailoa fo’i e Iosefo o lona fale e leai fo’i se eletise e ola ai.

“O lea lava e fa’aaoga le moli karasini e ola ma fa’amalamalama ai i le po.

“O le fuafuaga lea e i ai e fia aumai lo’u aiga e matou te nonofo i’inei ona e le’o sefe i le nofoaga lae nonofo ai i le taimi nei.

“Ae peita’i e pau lava le faigata ona o lea e le’i uma lava le matou fale.

“O le itu i le suavai o lo’o lelei lava ma saoasaoa ona o lea e i ai le tane vai o lo’o tu i totonu o le matou nu’u ae e tatau lava ona fa’apuna muamua.

“Sa ia ta’ua fo’i lona naunautaiga ina ia maua ni galuega a lana fanau teine ina ia fesoaosani ai ia te ia ma fai ai le latou fale.”

Afai e te fia fesoasoani i a Ioesefo fa’afeso’ota’i le numera o lee 7666875.

© Samoa Observer 2016

Developed by Samoa Observer in Apia