Sa’ilia se galuega

By Ilia L Likou 20 January 2018, 12:00AM

O se itu faigata tele o lo’o ua feagai nei ma Toloa Toloa i le soifuaga ma lona talitonuga le tali oi fa’afitauli o le taumafai lea saili se galuega.

E 22 tausaga o lea taule’ale’a o Faleula-Uta.

O le taimi lenei o lo’o ua nonofo le aiga atoa i le afioaga ma e fa’alagolago tele i le ele’ele mo le soifuaga aemaise o le tausiga mai lea aso i lea aso.

E na’o le to’atasi le tagata o le aiga e faigaluega ma e na’o le to’alua o lona tuafafine o lo’o faigaluega e pei ona ia fa’ailoa.

“Ia e to’atolu le la fanau ma le pepe o lo’o i ai le taimi lenei.

“Mo a’u lava ia e le toe faigofie le tausia ai o fanau aua e pei o le isi lea tupe alu a le aiga mai lea aso i lea aso.

“Ia e pei o lea lava le manaoga i le taumafai ai lea e sailia se galuega mo le taimi lenei.

 Na ia fa’ailoa o le a lava le galuega e mafai ona maua o le a ia taumafai e tu’u uma i ai le atoa.

“Ia o lo’u ia lava talitonuga ua matua’i taugata lava le soifuaga i le taimi lenei  e le aoga se nofonofo ma fa’asagasaga i le savili i le aso atoa.

“Aua o le itu mautinoa lava e le mafai lava ona fa’atino vaega nei o lo’o mana’o ai le loto e aunoa ma se taumafai e su’e se galuega.

“O lea lava le tulaga olo’o ua i ai nei ma o le fiafiaga foi lea i a te a’u lava ia i lo’u ia iloa i ai.

‘O se itu mautinoa e tuai loa ona maua se galuega o le umi foi lava lea o le popole ma le le mautonu.

“Ae pei ona ou fa’aalia o le a lava le tulaga e o’o i ai ia pei o lea lava le vaega olo’o ua taumafai ai.

By Ilia L Likou 20 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>