Fa’ae’e Suafa Matai Fou i Sataoa

By Ilia L Likou 06 January 2018, 12:00AM

O le taeao o le Aso Faraile na fa’atumulia ai le laoa i Fa’agu’ū e alalata’i ai le fetalaiga i le Igoamatua ia Faleāfulugogo, ina ua ali’itaeao le paia ia Taoa ma Afemata, Seiuli male Ma’upū, le Tamaaleuso male Nofo-a-Ituaiga, ae usu fa’aaloalo le mamalu i le Faletolu, tainane le Nofo a Igoāmatua le Taulauniu ma le Aitu Tagata ma le Alataua i le Fa’afotu o ole va’a-ali’i ma le Saoimatau o le suafa Tulolo ma le Maiava i Sataoa.

Na amata le fa’amoemoe ile sauniga lotu sa ta’ita’iina e le susuga ia Onē, o le faifeau Assembly ae sa auai uma faifeau e toalima o isi foi ekalesia.

O le fetalaiga ia Tamalēma’i Nili sa fetalai e fa’apaia nofo. O le afioga i le Sa’o ia Tulolo Tuālima sa fa’apogai i le fa’amoemoe fa’atasi ai ma suli ma feoi ole suafa Faleāfulugogo

E aofia ai i matai fou Tulolo Talaiasi, Tulolo Samuelu, Tulolo Lotovale, Tulolo Faagu, Tulolo Sagalala, Tulolo Poliko ma Tulolo Kirita. 

O isi matai o Maiava Pisu Maalo, Maiava Fineaso, Maiava Pokati, Maiava Taataa, Maiava Elia, Maiava Faresa, Maiava Simeona; Maiava Faatui, Maiava Asosapati, Maiava Kirisimasi, Maiava Atina'e Mamoe, Tulua Tulua ma Tulua Kalifa Sasa.

Na fa’ailoa e le aiga o lea lava le taumafaiga o lo’o ua i ai nei le aiga potopoto ia nonofo fa’atasi itutino uma o le aiga i le loto e tasi ma le agaga e tasi.

E 20 i latou sa fa’ae’e ai suafa o le aiga.

By Ilia L Likou 06 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>