Tusia - Pai Mulitalo Ale

Faaliliu e Seagaitumua Tupuola 

O le Aiga o le nofoaga lea o loo i ai le fatu mo le tamaitai togi pulu mamafa o Kasandra Salamasina Le Tafa’ifa Vegas.

E leai se tulaga masalomia o lea tulaga-ina ua potopoto le aiga o le tamaita’i taalo e faamautu i Hawaii-lea sa fai ma sui o Samoa i le tele o tauavaga faava-o-malo- i Vaimoso i le faagasologa o le faaiuga o le vaiaso

O lea sauniga, sa faatinoina i le maota o Esera, o le faafeiloaiga lea o ia i lona aiga ma le aloa’ia o ana matati’a mo Samoa. 

O lea faatoa uma ona faau’u talu ai nei mai le Iunivesite o Sini Ausetalia ma se faailoga o le Master Degree i le Soifua Maloloina Lautele Faava-o-malo, ma o se avanoa foi lea e faalauiloa atu ai matati’a tau aoaoga ua na ‘ausia.

O ia o le afafine o Jeffrey Jon ma Namulauulu Kerenakupu, o Vaimoso, o loo i Samoa nei ma ona matua mo aso malolo. 

I le faagasologa o le potopotoga i le Aso To’ana’i, na ta’ita’ia e Reverend Amosa Reupena o le Ekalesia Faapotopotoga Kerisiano i Vaimoso, se sauniga puupuu e faafetaia ai le ta’ita’iga a le Atua i le ola o Kasandra.

O le sui o le Komiti Faatonu o Taaloga a Samoa ma o le Faamasino o le Faamasinoga o Fanua ma Suafa, o Fiu Mesepi Sialaoa, sa fili i le auvalaaulia ma na ia tauaao atu ia Kasandra se tusi pasi mai le Oceania Athletics Association e aloa’ia ai ana matati’a. Na tauaao atu foi e le aiga o Kasandra se ipu i le faia’oga o Kasandra i totonu o le atunuu, o Tupai Vaovai, ma le pereseten o le Athletics Samoa, o Luatua Semi Epati, mo le latou sao i le atiina a’e o Taaloga i totonu o Samoa. 

Matati’a tau Taaloga mo Samoa.

2015 Taaloga a le Pasefika Pine Apa Memea-Togi o le Pulu Mafolafola - Discus 

2015 Pine Apa Memea Taaloga a le Pasefika-Togiina o le Samala. 

2015 Siamupini o le Oceania –Pine Apa Memea - Samala 

2014 Siamupini o le Oceania Pine Apa Meme-Samala 

2014 Siamupini o le Oceania Pine Apa Memea Bro – Pulu Mafolafola 

NCAA Fono a le Big Sky Tamaitai o le Tausaga  2013

Le Faailoga a John Wooden o le IpuTau Sitiseni mo tagata taalo su’efusi 2013.