Fa’aaoga lelei agava’a

By Ilia L Likou 06 December 2017, 12:00AM

O le maua ai o le malosi e fa’aauau o so’o se tulaga o se itu taua tele lea.

O lea le finagalo o le tamā i a Malagamali’i Pelenato i le fa’atalatalanoga ma le Fofoga o Samoa i le aso ananafi.

Na ia fa’ailoa o se itu taua tele lea i lana silasila i ai.

“Ia o a’u e fai au galuega kamuta, ma e pei o lea lava le tulaga o lo’o fesoasoani tele mo le tausia o le aiga.

“Na i ai lava i si galuega na galue ai ae ina ua vaai atu fo’i le to’atele o le fanau e pei o lea lava le tulaga na mafua ai loa ona su’e le galuega lea la ua  i ai lava a i le taimi lenei.

“O se itu taua i a te a’u o le mafai ai lea ona fa’ailoa o vaega uma aua lava le lelei alu i luma o aiga, aemaise lava la’u fanau.

“E pei o lea lava la’u fa’amuamua o lo’o ave le taimi lenei.

Na ia ta’ua o se tulaga faigata ua i ai nei Samoa.

“O lea lava le itu o lo’o ua tatou silafia uma lava, ae o le uiga o la’u tala a o tatou nofonofo o lona uiga ua faigata lava le fa’atinoina o vaega uma i le olaga lenei.

“O le itu taua i a te a’u o le mafai ai lea ona faa’atino o so’o se itu aua lava le lelei alu i luma o le atunu’u.

Na ia fa’ailoa o se itu lelei tele lea i lana maitau i ai.

“Ia o le to’a’aga lava e fa’atino o so’o se itu aua le lelei alu i luma o fanau, aemaise o le tulaga mana’omia mo le lelei alu i luma o aiga nu’u ma ekalesia.

“O a lava galuega ua maua ia o lena lava , o le faamaoni lava i ai ma to’a’aga e tatalo.

By Ilia L Likou 06 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>