E i ai lou sao
O le sao o tupulaga talavou i totonu o le atunu’u o se itu taua tele lea.
O lea le finagalo o le ali’i i a Selefuti Taofia i le Fofoga o Samoa i le aso ananafi.
“Ia e pei o lea lava le tulaga o lo’o laualuga i le mafaufau i le taimi lenei, ma o se itu e ao lava fo’i ona silasila lelei ai tupulaga talavou.
“O le tele lava o taimi e pei e aumai ai lava i a te’i tatou le tulaga lea o le le ano fo’i le le i le taimi e aumai ai fa’atuatuaga i a te’i tatou te fa’atinoina ai so’o se vaega ae ao ina manatua.
“O mea uma lava e tu’uina mai tatou te faia e ala ona aumai ona tele lava le fa’atuatuaga a nai tagata matutua mo i tatou.
“Ae a aumai lava e le ano tele i ai o tatou tagata, ia o lona uiga ua matua’i fa’aletonu lava le soifuaga o lo’o ua tatou ola ma soifua ai.
Na ia fa’ailoa o le nofo ai totonu o lona nu’u o se itu tele lea o lo’o fesoasoani le taimi lenei.
‘Ia e leai lava se tasi o i tatou e leiloa le taua ai o nu’u ma afio’aga ta’itasi, ae pei o si o matou nu’u ia na ola ane ai lava.
“O lo’o tele lava vaega o lo’o fesoasoani ai le taimi lenei, a lelei lava vaega uma e fa’atinoina ia o lea lava le tulaga e o’o i ai.
“O se itu e ao lava ona silasila i ai aua o lea lava le vaega o lo’o soifua ai nai o tatou tagata, o le silafia ai fo’i o le tupulaga talavou o latou matafaioi o se itu taua tele lea mo le to’atele.
“Aua o le tele lava o taimi e pei e fa’atalale i mea e fa’atino ae e ao lava ona silafia o le itu taua o le taumafai lea e fa’atino o so’o se taumafaiga aua le aga’i atu ai le lumana’i.
‘Aua a lelei tupulaga talavou ia o le lelei fo’i lea o le aga’i atu ai le lumana’i manuia.