Ia fesoasoani i lou vaivai

Tusia Vatapuia Maiava ma Ilia L Likou ,

117 Hits

Lagilagi Taisia Lafaele mai le afioaga o Faleula-Uta.

Lagilagi Taisia Lafaele mai le afioaga o Faleula-Uta.

E le’i faigofie le amataina mai o le aiga o le tinā i a Lagilagi Taisia Lafaele o le afio’aga o Faleula Uta.

O le afea ai e le Fofoga o Samoa i le aso ananafi  na ia fa’ailoa ai le faigata o le tauasaina mai ai o  le tau atina’eina o taumafaiga o le aiga i le tele o tausaga ua mavae.

O lea va’aiga masani na fa’aosofia ai o ia ina ia va’ai i se isi auala e mafai ai ona ia fa’aeaina le pologa o totonu o lona aiga lea na amata ai loa lea o lana faleoloa i lea vaega o le atunu’u.

 “O le itu mautinoa lava i la’u ia molimau, o lenei olaga e te fa’alagolago loa i se isi i le taumafaiga o lo’u olaga ia e leiloa po o le a le taunu’uga e o’o i ai.

 “O le olaga i nei i Samoa ua faigata lava, ae o la’u ia a’upega e fa’aaoga e o’o mai lava le taimi lenei, afai ae leai so’u malosi ona ou vala’au lea i Le na te Aumaia ma fa’afouina lo’u malosi.

 “Ia ua alualu ai lenei pisinisi, ia lea ua amata ona va’ava’ai mo le fausiaina ai o se fale, ma e fa’afetai i le Atua i lona alofa ma lona agalelei ona o le malosi aemaise o mafaufauga lelei mo le atina’eina ai o le aiga.

 “Ia o so’o se taumafaiga lava ia e i ai lava fa’afitauli ma o se tasi o vaega e le mafai ona alofia.

 “Ia sa tau sailia fo’i se fanua ia sa taumafai pea lea la ua maua sina fasi fanua lea ua amata ai le aiga i le taimi lenei.

 “Ia e le tele ni  tupe na maua ae na taumafai lava e galulue ona o le  va’ai alofa i aiga aemaise na fesoasoani tele lava nai i’a ma figota mai le sami i le tele o taimi.

 “Ia o se miti lea sa i a te a’u ia fai se faleoloa lenei ina ia fesoasoani tele mo le aiga ma na fa’atupeina mai nonogatupe mai le S.S.B.D.

 “Ia o panikeke ma nai  isi lava oloa o lo’o fa’atauina atu i le taimi lenei.

 “Ia lea ua kilia le nonogatupe i le taimi lenei ia lea ua alu mama ai lava le faleoloa lenei ma o le fa’afetai lea i le Atua.

 “Ia e tofu lava le tagata ma lana ia taleni ae o le fa’amoemoe lava i le Atua e manuia ai so’o se taumafaiga.

© Samoa Observer 2016

Developed by Samoa Observer in Apia