E mana’omia se fesoasoani mai le malo aua le suavai

By Aruna Lolani 06 October 2017, 12:00AM

Na maua le fa’atalatalanoaga a le Fofoga o Samoa ma Iakopo Ioasa mai Leulumoega ma o lona manatu fa’aalia e ala lea i le leai o se suavai ma se eletise i le itu uta o le latou nu’u.

E 30 le matua o lona soifua ma sa ia ta’ua ua leva lava ona tupu lea tulaga o le lē o’o atu o le vai a le malo i aiga i uta o Leulumoega.

“Ua leva ona tupu lea tulaga i le suavai,” o lana tala mai lea. “E fa’apena fo’i i le eletise aua o lea ua e va’ai atu, ia e lea ma ni poumuli o tutū mai. “

“O mea uma a ia tau eletise fa’apea fo’i le suavai, ia e gata uma i le aai but e leai lava se mea e o’o mai uta nei.

“I lo’u a ia manatu, e tatau ona fai se fuafuaga a le malo i lea tulaga aua o lea lava ua amata ona nonofo iinei isi aiga ma atia’e ai o latou olaga.

Sa ta’ua e Iakopo i le Fofoga o Samoa, sa maua fesoasoani a aiga i uta mai le malo ina ua latou foa’i tane vai.

“O se tulaga lelei le maua o le tane vai ae pau a la se tulaga e le manaia ai aua o le timu e tele ona fa’alagolago iai, a leai a la se timu ia ua la’u vai mai fo’i tai.

“O a’u a ia ou te nofo i tai ae ou te sau a i uta nei aua o lea e iai lo’u fa’ato’aga ma ou te galue ai fo’i.

“O le taimi la nei, o lea ua tele ona la ma o lea la e tau leai fo’i se vai i totonu o tane vai nei.

“E taua le iai o le suavai iinei aua o loua fa’atupulaia le iai o tagata ua nofoia lenei itu aua le tau atina’eina o latou fanua aemaise foi le galulue i fa’ato’aga.”

O Iakopo o lo’o galulue fa’atasi ma lona uso.

“Pau a lena o le fa’afitauli o le leai o se suavai i uta nei ae o lo’o sologa lelei mea uma.”

By Aruna Lolani 06 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>