“Talotalo lava ia maua sa’u galuega I se taimi vave aua le lagolagosua lea I mea fai a le aiga” Fesuia’i Fagavili.

O Fesuia’i Fagavili e mai le afioaga o Afega ma o ia foi o lo’o tausia le latou aiga. O fua mai lana fa’atoaga o lo’o faatau atu ma maua mai ai le seleni aua le tausia ina o lana aiga.

“E leai sa’u galuega I le taimi nei ae peita’I o la’u lava galuega I la’u ma’umaga o lo’o faapena ona aai ai le matou aiga”.

“O lo’o ou taumafai lava I lenei taimi e saili se isi a’u galuega fou e fa’aopopo I le tupe maua mai fua o fa’atoaga o aufa’i, ufi ma avoka”.

Na ia fa’alia foi le faigofie o le tausiga o lana aiga, ae o le taimi faigata lava pe a o’o mai saogamea o fa’alavelave I totonu o aiga, ona matua mana’omia vave lea o se galuega.

“Ana faapea e na’o le fa’alifu talo lava ma le ipu ti, ua matua lelei ma onomea, ae peita’i a mamafa lava saogamea o fa’alavelave ona matua le lava lea o le fa’asoa”.

Na ia taua foi o le a matua faigofie mea uma ia te ia ma lona olaga pe a maua sana galuega I se taimi oi luma.

Ua matua lava sauna foi o ia mo se galuega lava e n ate maua.