Se galuega e fetaui mo Tumua

Tusia Aruna Lolani ,

64 Hits

Tumua Feleti Futialo mai Lotoso’a Saleimoa.

Tumua Feleti Futialo mai Lotoso’a Saleimoa.

O le fa’atalatalanoaga a Tumua Feleti Futialo ma le Fofoga o Samoa, sa ia ta’ua ai le mana’omia e ia o se galuega e fetaui lelei ma lona malosi.

E 43 le matua o lona soifua ma o ia o se tāma i se fanau e to’alima.

O le fa’afitauli o lo’o iai nei; o le faigata ona ia faigaluega i se galuega lelei ona o lona gasegese gugu o lo’o feagai ma ia.

“O a’u ua leva a ona ou fia fai galuega ae peita’i sa faigata lava ona galue i sesi mea vagana ai le faiga o le fa’ato’aga.

“O le ma’umaga a lea e fai aua le tausiga o le aiga ma ou ta’utino atu lava e pau fo’i na o le ituaiga galuega ou te talosagaina mo nai aso o le vaiaso aua sina seleni mo le fanau aemaise le aiga atoa.

“E mafai a ona ou faigaluega ae a oso foi le gasegase ona faigata foi lea ona toe fa’aauau ae e mafai a ona ou faigaluega i aso o le vaiaso.

“O le taimi nei, e taua lava le seleni mo le tausiga o le aiga aemaise lava le fanua.

“O le taimi foi nei o lo’o fia maua se galuega aua fo’i le fa’ateleina o le matou maota aua se lelei o la’u fanau.

“O le taimi nei e faigata lava ona maua se galuega fa’apena aua fo’i e lei uma a’u aoga. Na gata a le tulaga o aoaoga i le Kolisi a Leva’ula.

“A maua a la se fesoasoani mai sesi e fia fo’ai mai se galuega mo nai aso o le vaiaso i le fa’amamaina lea o fanua po’o le galue foi i le maumaga, ua lava ma totoe lena mo a’u.

“O lea ou taumafai malosi aua e taua lava le tausi lava e ma’ua ma le tina o le aiga le ma fanau aua se lumanai lelei o latou.”

© Samoa Observer 2016

Developed by Samoa Observer in Apia