O le aso ananafi na  maua ai le avanoa o le Fofoga o Samao e fa’atalanoa ai le tinā matua i a Malo Tauapa’a o  Poutasi, Falealili.

O Tauapa’a ua maliu lona to’alua, ma o le taimi lenei , o lo’o  nonofo fa’atasi ma lana teine ma lona to’alua ma la la’ua fanau e to’avalu i Falealili.

Na saunoa le tinā o nisi o taimi e le lava le fa’asoa ona o le le lava o le seleni e maua, aepeita’i e leai se mea e faigata pe a ola e taumafai e atia’e aiga.

“O au ia o le tinā, mo lo outou silafia o a’u sa nofo i le toeaina lea ei tala atu lona aiga, ae ua maliu le toeaina,” Malo Tauapa’a.

“Atonu e lima vaivai lava i isi taimi, e pei ona outou taga’i mai  le  fale o le aiga nei, ia  e i ai lava le fa’aletonu ae o lea lava e taumafai.

“E taumafai lava e saili seleni i le maumaga e fa’aa’o’oga ai  tamaiti ma tausi le aiga, o isi taimi a le maua se seleni  ia ua ou va’ai atu ua le o tamaiti i le aoga, o’u fai ai…aua le taofia tamaiti, pe maua a le tolo e ‘ai le aoga, ia ua lava lena , ae o le mea sili o lo’o o tamaiti i le aoga mo se lumana’i manuia.

 “O lea ou te nofo iinei , ma o lo’u faamoemoe o se taimi o i luma o le a ou  toe foi ai i lo’u aiga  i Savai’i.

“Ia o lena,  o le aiga lenei, na o a’u lava, o la’u tama teine, o lona to’alua ma la la’ua fanau lo matou aiga.

E taunu’u atu le Fofoga o Samoa i le aiga o le tinā e le’i leva ona fo’i atu lana tafaoga i se tasi o ona tuagane.

“Ia fatoa ou taunu’u mai le Aso falaile sa alu la’u tafaoga, ae ua taunu’u mai ua matua’i matitiva lava leai se seleni.

“Na alofagia a’u ia ma maua mai ai le selau tala ma ona tupu ia lea la ua fa’asoasoa lava i le taimi lenei,

“Ia o lo’u alofa lava i aoga a tamaiti …ae aua e fai lava sina   to’atele o tamaiti…na ou fai lava i la’u tama teine  e  fai fuafua tamaiti.

“Na taumafai le to’alua o lau tama e alu e tau apu mo se seleni ona o lenei fale e pu mo’omo’o e mana’omia le fa’atoso atu i tua.

O lana fesoasoani i le utiuti o le tupe maua o le aiga ‘O a’u ia ou te tago lalaga a’u table mats e taumafai e faatau , o mea lapopola e $30, o le feololo e 20.

“Ia o le alofa atu lava i a’i la’ua mo le tausiga o le aiga ma le fanau.

“E leai se isi e faigaluega na o le tamā o le aiga o le to’alua le tamaitai lea, a alu i galuega kamuta, a uma lava a la ia ua uma fo’i,

“O galuega na e alu ai le to’alua a le tama’ita’i lea pe maua ai le tai 30 le 20.

“E pau lava le alagatupe o lo’o i ai o le ma’umaga, o le isi vaitaimi sa fai togala’au, sa fai faatoaga  kapisi, pi , ae sa fa’alegaina uma i le afa o Eveni.

“O le taimi lenei o lo’o ua toe taumafai e toto le tele o fuala’au aina.

E i ai se mativa i Samoa?

“Ia mo le silafia i lau saunoaga e leai se tagata e mativa, e ala ona matitiva o le le galulue aua e pei na ou iloa e a’u ia , e leai se upu e ta’u o se  matitiva aua o aso la, ia  e galue lava le tamā ia i le sami alu  faatau i’a maua le tupe, alu le maumaga maua le tupe,

“O popo  na ao mai ave fua maua le seleni, pei lava o le faapalapala lava.