E lē faigofie le olaga - Siole Pasifika

Tusia Vatapuia Maiava ,

220 Hits

Le tinā i a Siole Pasifika o Saleilua.

Le tinā i a Siole Pasifika o Saleilua.

 “E le’o faigofie le olaga o lo’o i ai nei,”  Le tinā i a Siole Pasifika, 27 tausaga o Saleilua i le fa’atalatalanoaga ma le Fofoga o Samoa i le aso ananafi.

 “O nisi o taimi e maua mai le totogi o lo’u to’alua, ia e le taitai ona lava le fa’asoa . “Ia o le matua’i tele lava o vaega e  faasoasoa ai, a fua atu ai , o le ai lava aemaise  lava i aoga a le fanau.

“ E leai se isi alagatupe na o le galuega lava a lo’u to’alua, e moni lava i le ma’umaga ia o lea fatoa fai le ma’umaga, ia a fua atu lava i le totogi  lea e maua i le  vaiaso e le taitai ona lava,

“Ia na tau faigofie i taimi la, aua na’o matou, o na taimi sa fai lava la maua umukuka, aepeita’i o lea ua tasi le umukuka aga’i i le fale o lo’o i ai o’u matua.

“Ia o le taimi lenei e to’atolu tagata faigaluega o lo matou lava ia aiga. 

Na ta’ua e Siole, o lona to’alua o lo’o galue nei i se tasi o faleaiga, Rokos, ma o lo’o fesoasoani i lo latou aiga.

 “E to’afa la ma’ua fanau ma e to’atolu o lo’o i le aoga, ma e ua tai atoa nei le lua tausaga o ma’ua nonofo iinei.

“Ia mo le Mamona lava ia na o le sefulua’i a, na o le 20 tala i vaiaso ta’iatsi.

Na ia fa’ailoa  o le pasese o lona to’alua i aso le isi alagatupe fa’aalu.

“E usu atu lava iinei , o le pasese le isi alagatupe, sa masani na alu e moe i Apia ona o le mamao , ae e le’o faigaluega lae e tu’u mai i tua o le umukuka.

“Ia o lo’u iloa i ai i le mativa,  ua ala ona matitiva o le tele o le aitalafu, aua lae manino mai lava i le tusi, e sili le fia’ai nai lo le ola aitalafu, aua a alu e aitalafu ia na iloa loa lea e tagata le mea la e i ai.

© Samoa Observer 2016

Developed by Samoa Observer in Apia