Sasa pala se Tamā ona o feusuaiga, ma le faalata

Tusia Pai Mulitalo Ale ma Faaliliu e Seagaitumua Tupuola ,

225 Hits

E le’i numi lava saunoaga a le Tamaitai Faamasino o Mata Tuatagaloa ananafi i le taimi na ia faasalaina ai i le nofo i le falepuipui o se tamā e 51 tausaga le matua mo le 11 masina mo sauaga e le talafeagai ai ma le faalataina o lona afafine fai. 

O lau amio i lou afafine fai e le talia ma e mafai ona faatatauina e matua mata’utia lava aemaise ai lava pe afai e i ai sou afafine laititi ma lou to’alua,” o le saunoaga lea a le Tamaitai Faamasino o Tuatagaloa. 

 “Ua e soli lona loto talitonu talu ai o oe o le tamā-fai o lē ua afaina ma ua e soli foi lou tiute i le avea ma tamā o ia lea o loo faamoemoeina na te tuuina atu le puipuiga malu mo ia.” Na fai e le Tamaitai Faamasino o Tuatagaloa ia faaupuga i le faagasologa o le faasalaga o se tamā- o lona suafa o loo taofia le faalauiloaina e puipui ai le iloa o lē na afaina. Na maua e le Faamasinoga e faapea o lea solitulafono ua leva ona fuafua-talu ai-o le alii ua tuua’ia –na ia faatinoina ia solifulafono i le po a’o tofafā tagata uma o le aiga-e aofia ai le ua afaina. 

“ E le ona pau ai lea o se solitulafono-ae o le faatolu ai lea,” o le faaaliga lea a le Tamaitai Faamasino o Tuatagaloa. “O au amioga ua afaina ai le a’oga a le ua afaina.” O le loia e le itu tete’e o Leota Tima Leavai ae o le loia o Lucy Sio na tulai e fai ma sui o le Ofisa Tau Moliaga a le Atunuu. A’o lumana’i ai lona faasalaina, sa talosagaina e Leota le faapalepale o le Faamasinoga. Fai mai le Tamaitai o lana paaga o le taimi muamua lenei ua na soli ai le tulafono ma ua lagona lona salamo e tusa ai ma le mea na ia faia.

O ia o loo gafa ma le tausiga o lona aiga ma o lana amio e matua viia e laufalī E tusa ai ma le otootoga o mea moni a Leoleo-o lea solitulafono na tupu i ni taimi eseese se tolu, o Me 2013, Mati 2014 na Iuni 2014. O lē ua afaina i lea taimi sa 16 tausaga le matua. O le ua tuua’ia sa nonofo ma lona to’alua ma le ua aafia i le aiga o lona to’alua. O le solitulafono muamua na tupu a’o le’i maliu le to’alua o le itu tete’e. Sa faaauau pea ona ia faia e ui lava ina ua maliu lea tamaitai.

Ae peitai, na faailoa lea solitulafono ina ua ta’u e le na afaina i se tasi o uso o lona tina ma na lipotia ai i Leoleo. Na ioe lea alii i lona nofosala i moliaga uma. I le lauina o lona faasalaga-fai mai le Tama’ita’i Faamasino o Tuatagaloa-o le amio a lea alii e matua le talia lava ma o se faasalaga tau le puipuiga ua tatau ma talafeagai ai. .Na ia toe taua e faapea o sauaga mataga faapea foi ma isi lava sauaga tau feusuaiga ua matua faatetele i totonu o aiga o le atunuu.  

I lona aoa’iga o lea tamā, fai mai le Tamaitai Faamasino o Tuatagaloa-ua le gata i lona faaaoga sese o lona tulaga tau le faatuatuaina, o lea teine itiiti sa leai se mea e tua i ai ona o loo matua i tausaga ma le taimi na faatino ai lea solitulafono. 

E na o le ioega muamua a le itu tete’e na talia e le Tamaitai Faamasino o Tuatagaloa e avea ma vaega e aafia ai. “O le vaega na gafa ma moliaga sa fautuaina le lua tausaga e avea ma laasaga amata ae o le a ‘ou faaaogaina le 18 masina e avea ma laasaga amata,” o le faaaliga lea a le Tamaitai Faamasino o Tuatagaloa. 

Na toesea e le Tamaitai le fitu masina mo isi itu lelei uma ae auina atu lea tamā i le falepuipui mo le 11 masina. 

© Samoa Observer 2016

Developed by Samoa Observer in Apia