O le mea’alofa sili lava o matua

By Aruna Lolani 06 July 2017, 12:00AM

O Mafutaga Iloa o se ali’i 34 tausaga le matua o le soifua o Tufulele ma Fasito’o. 

O le maua ai o le fa’atalatalanoaga ma le Fofoga o Samoa o lo’o sauna atu le maumaga aua se talo mo le fa’alifu. 

“O a’u o la’u matafaio o le faifa’ato’aga, o se mea fo’i ou te lelei ai,” o lana lea tala. 

“E tau le su’esu’eina se galuega aua o le fa’ato’aga a le tali ma e mana’omia fo’i e le tina o le aiga se fesoasoani i le va’aiga o le fanau.

“Ua tele a suiga o le olaga ma ua vave fo’i le alu i luga o le soifuaga

“E taua a i le tagata ia ona galue a o ia ma lona aiga.

Sa ta’ua e Mafutaga o le ma’umaga a le tali o mea’ai ma le tali o se seleni mana’omia.

“O le ma’umaga e tua iai mo mea’ai. E fa’ato’a fa’atau atu ni meamata pe a fa’apea ua mana’omia vave le tupe.

“E ala lea i taimi e mana’omia ai se eletise po’o se mea e mana’omia e le fanau.

“Ae o lo’u a’u ia talitonuga lea e lelei mea uma i le taimi nei, lelei le eletise ma le vai. E mo’i a e iai taimi e pe ai le vai, ae e le umi fo’i ona fa’apena.

“O le matou aiga o se aiga laitiiti, a lava a le fa’alifu i le aso ma le iputi koko Samoa, ua lava ma totoe. Ua ma’ea fo’i le aso.

“O le olaga nei, ua fai lava sina saoasaoa, a e le iloa ola i mea ua e maua, ia e leai sau mea e maua. 

“O lana lava lea masani o le usu le maumaga e fai sina galuega ma asi foi. 

“Ua ou masani lava a’u i o’u tiute fai o le usu le maumaga. 

“O le tele o taimi e fa’amoemoe mai lo’u aiga ia te a’u i feau autafa e fale.

By Aruna Lolani 06 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>