Fa’amuamua lava aiga

By Fetalai Tuilulu’u 06 July 2017, 12:00AM

O Mose Fa’asavalu o le afioga o Leulumoega e 55 tausaga le matua le soifua ma e lei faia se aiga. 

Na maua le fa’atalatalanoaga o fai lana galuega ma sa ia taua ai le lelei o se aiga ae pulupululima fa’atasi. 

“Ia o si matou aiga, e faigaluega le to’atele ma e mautu foi,” o lana lea tala. 

“Toe lava o a’u e leai se galuega ae o la’u galuega matua lava lenei e fai i aso uma o le galue o lo’u maumaga ma o lo’o maua ai sina fesoasoani mo le aiga. 

“O le ala foi lea o lo’o fa’apea atu e manuia se aiga ae galulue fa’atasi, o le aufaigaluega ae galue foi a’u ia i lo’u fa’atoaga. 

“Ia o le matou fanua atoa lava lenei, ou te nofo foi i uta nei ae o lo’u tina ma nai o’u tei o lo’o nonofo i tai le aai le isi matou fale. 

“Ia o lo’ u manumanu lava i le matou fanua i ave e se isi ae maise foi o lo’u fa’atoaga o lo’o fai i nei o le ala lea o lo’o nofo ai. 

“Ou te fa’afetai lava a’u ia ona o lo’u malosi  o lo’o foai mai pea e le Ali’i lea o lo’o mafai ai ona ou galue aua se fa’asiliga tupe mo lo’u aiga. 

Sa fesiligia po ai ni fa’afitauli feagai ai ma ia i le nofo to’atasi. Sa tali le ali’i o Mose e leai lava se fa’afitauli. 

“O lo’o lelei lava mea uma, o lo’o sologa lelei foi le atinae o si o matou aiga, o le tele lava o lenei vaega e faigaluega ia ma nai talo o lo’o ave le maketi. 

“O le isi foi itu, o le to’atele lava o tagata ua fai lava aiga ona o le iai se tasi e fesoasoani e to’alua ma le aiga. 

“Ia te a’u lava ia ma lo’u iloa, o lo’o va’ava’ai lava le to’alua lelei ma le talafeagai. Ia e o’o mai lava le taimi nei na’o a’u a ma lo’u Iesu. 

“Ia e leai foi se popole e vave su’e ao se to’alua ona o lo’o ave lava le fa’amuamua le tautua ina o le aiga.

By Fetalai Tuilulu’u 06 July 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>