Mana’omia se galuega

Tusia Aruna Lolani ma Fetalai Tuilulu’u ,

72 Hits

Mana’omia lava se galuega: Popo Ioane o Tanumapua.

Mana’omia lava se galuega: Popo Ioane o Tanumapua. (Photo: Aruna Lolani)

O le iai o le aiga, e ao ona silafia lelei o lo’o fa’alagolago le lumana’i manuia i ou lima. 

O lea le manatu fa’alia o Popo Ioane I le la fa’atalatalanoga ma le Fofoga o Samoa i le aso ananafi. 

O le tinā e 36 tausaga le matua le soifua ma o lana augani ina ia maua se galuega le miti o lo’o moe miti ai nei aua lava se seleni maua mo ia ma si ona aiga ae maise lava le fanau aoga. 

“O a’u nei e to’a ono le fanua, e to’a fa latou o lo’o i a’oa’oga,” o lana lea tala. 

“O le mafuaga foi lea o le mana’omia o se galuega.

“Ae o le tulaga lava ia, e le faigofie ia te a’u ona o le leai se galuega e fa’aaooga ia le fanau. 

“Ou te ta’utino atu lava o a’u le isi tinā e fa’alagolago lava i nai o’u matua ae maise o nai o’u uso ma tuagane i ni seleni I taimi a’o o’u tuputupu a’e.  

O le leai o ni avanoa faigaluega o se tasi lea o mataupu tele i totonu o Samoa. E le’o na’o tamā e maua ai nei tulaga, o tinā foi o lo’o mana’omia ni galuega faigaluega mo le fanau. 

O le maua ai o le fa’atalatalanoaga le Fofoga o Samoa ma Aiga Malama o Fasito’o sa ia fa’ailoa ai lona fia faigaluega mo le lumana’i o lana fanau. 

“E le pei nisi o galuega e lelei totogi ae o le galuega foi e maua ai le seleni.

“Ia o Apia foi le nu’u o le galuega o nisi o taimi e le mafai ai ona ou sau le fale ona o le faigata o auala-femalagaina. 

“O le olaga nei o le tupe lava e mana’omia ma o le ala foi lea o le fa’amoemoe su’e galuega ona o nei tulaga. 

“Ia o le itu masani lava na’o le taimi lava e totogi ai e u’u ai le tupe o le upu i se isi  aso e aulia atu e le totogi ia e matua’i leai se tulaga fa’apena.

“Ia afai la ae tu’u mai ai ma le mau fa’alavelave, o mea fai totonu o nu’u ma isi tulaga fo’i ia ia na talanoa loa lea i le fa’atinoina o nonogatupe.

Mo se tasi e fia fesoasoani le tinā fa’afeso’otai le 7718846. 

© Samoa Observer 2016

Developed by Samoa Observer in Apia