Alo le Siteki a Apia Ogatotonu e fa’atāua Tu ma Aganu’u Fa’aSamoa

Tusia Ilia L. Likou ma Fa’aliliu e Maiava ,

182 Hits

Tausala a Moamoa, Nina Ash ma le Manaia o Max Simo

Tausala a Moamoa, Nina Ash ma le Manaia o Max Simo

O le afiafi o le Aso Faraile talu ai – i le vaiaso o le Fa’amanatuina o le 54 Tausaga o le Tuto’atasi o Samoa, na fa’amae’a ai se fa’aaliga o tu ma aganu’u fa’aSamoa a le Siteki a Apia Ogatotonu, o le Ekalesia A Iesu Keriso o le ‘Au Pa’ia O Aso e Gata Ai, e ala i se Fiafia o le Tutoto’atasi na fa’a’Autuina “O le Po Fa’aleAganu’u”.

Tausala ma le Manaia Uarota Alafua o Leyna Illiganoa Tui ma Keli Amituana’i.

Tausala ma le Manaia Uarota Alafua o Leyna Illiganoa Tui ma Keli Amituana’i.

O le polokalame i le vaiaso atoa, sa aofia ai se ‘ava o le feiloa’iga, o le savali i le Sisigafu’a, o ta’aloga fa’aSamoa, o le Savali ma le Fa’aaliga Tausala, o le Fa’aaliga o le Gaseseina o Taumafa Fa’aSamoa, o le taua’aoina o meaalofa fa’aleAganu’u fa’apea le Tauvaga a Tausala ma Manaia.

Uarota Pesega II i le taimi latou taualuga.

Uarota Pesega II i le taimi latou taualuga.

Na fa’aalia e le Peresetene o Jason Joseph, o se vaiaso sa fa’atumuina i le fiafia ma le ‘oli’oli o sui o le Siteki, ae maise o le agaga fa’ananau e ‘auai ma tauva fa’asamasamanoa i ta’aloga ma fa’afiafiaga ‘ese’ese e maua ai le fealofaniga o sui ta’itasi uma ae maise ia saga fiafia fa’atasi ai ma le atunu’u i le fa’amanatuina o le Tuto’atasi i lenei tausaga. 

Tausala ma le Manaia Uarota Alafua o Leyna Illiganoa Tui ma Keli Amituana’i.
Tausala ma le Manaia Uarota Alafua o Leyna Illiganoa Tui ma Keli Amituana’i.
Uarota Pesega II i le taimi latou taualuga.
Uarota Pesega II i le taimi latou taualuga.
Tausala Melisha Sooialo Uarota Vailima.
Tausala Melisha Sooialo Uarota Vailima.

Tausala Melisha Sooialo Uarota Vailima.

Tausala Melisha Sooialo Uarota Vailima.

 “O le fa’amoemoe ‘autu lava o lenei vaiaso, o le tu’u-fa’atasia lea o sui uma o le Siteki, ia o-mai fa’atasi e opogi fiafia o so’o se fuafuaga a’o se fa’amoemoe lelei, e lagolagoina ai galuega a le Ekalesia mo Le Atua ma Lona finagalo,” o lana saunoaga lea.

“E le tāua na’ua le taimi e fa’atino ai o so’o se mea, a’o le taimi umi sa tatou fa’aalu fa’atasi e galulue fa’atasi ai mo le lumana’i, e le gata i le ta’ita’iga o Ekalesia ae fa’apena fo’i le malo, i o tatou aiga ma nu’u ta’itasi.

“O nisi o tama’ita’i lalelei nei, ua fa’au’uina i tikeri ma fa’ailoga maualulua tauLoia ma tulaga Tau-Pisinisi mai Iunivesete, o isi o lo’o a’o’oga pea i le taimi nei, o nisi fo’i ua foufou e fa’alauteleina a latou a’oa’oga i le BYU ma isi iunivesete i fafo.   

 “Ia te a’u lava ia, o se fa’ata’ita’iga lelei tele, le avea o latou nei e fai ma ta’iala, e ta’imua i mea lelei ina ia mulimuli ma fa’ata’ita’i uma iai isi tupulaga ma fanau a le Ekalesia e mulimuli mai.” 

Na saunoa fo’i le Sui o le To’afitugafulu, le Faife’au Toea’ina o Meli’ula Fata, e fa’amamafa le taua o tu ma aganu’u masani i totonu o aiga-Samoa ta’itasi. “O le fa’avae mautu lea o o tatou aiga, e tumau ai pea i le fealofani ma le feavata’i po’o fea lava tatou te iai, ma tatou fa’afetaia ai le sa’olotoga ua tatou ‘ae’ae ai nei, lea sa finauina ma asa mai e tua’a ma matua ua ta’o’oto mai malae,” o lana saunoaga lea. 

“E ao ai lava ona tatou mitamita ma taofi-mau i la ta aganu’u ma tautua le Finagalo o Iesu Keriso – le malo e tasi tatou te maua ai fiafia e fa’avavau.

Na fa’afetaia fo’i e le Peresetene o Joseph, sui uma o le Siteki, o uo ma aiga ma ‘aumea-mamae sa lagolagoina fa’atinoga uma ma tapenaga i le vaiaso atoa. O le ulua’i tausaga lenei ua fa’atinoina ai se Vaiaso o le Aganu’u e le Siteki a Apia Ogatotonu ma o le a avea o se fa’amoemoe e fa’atinoina i tausaga ta’itasi.  

© Samoa Observer 2016

Developed by Samoa Observer in Apia