Se tina e malosi i le ola galue

Tusia Aruna Lolani ma Seia Soloi ,

109 Hits

Le tina o Mitaina Faaletatau mai Taelefaga ma e 56 le matua o lona soifua.

Le tina o Mitaina Faaletatau mai Taelefaga ma e 56 le matua o lona soifua.

E ui ina foliga matua lenei tina, ae o se tina loto malosi ma fiafia i le ola galue.

O lona igoa o Mitaina Faaletatau mai Taelefaga ma e 56 le matua o lona soifua.

Na maua le fa’atalatalanoaga a Mitaina ma le Fofoga o Samoa a’a aga’o ia e tau ni koko Samoa mo lona aiga.

“O le fanua matou te maua uma ai a matou mea’ai,”o lana tala lea i le Fofoga o Samoa.

 “O a’u ou te kukaina mea’ai mo lo’u aiga ma o se fa’amalosi tino lelei lava lenei mo tagata ua o’o i le matua loua ou iai.

“O lo’u aiga matou te faia le ava Samoa ma matou te fa’atauina atu e maua ai se matou seleni.

“E tele a la se matou tupe maua mai iai.

Na ta’ua e Mitaina o ia e nonofo i le fale ma lana fanauiti, aua o lona tama o le aiga ma le to’alua  a lana tama teine e faigaluega.

“O si a’u fanau iti a la lea e matou te fa’atasi i taimi faigaluega a isi tagata o le aiga aua o la’u tama teine e nofo i le fale a lona ia to’alua ma  e le mamao atu ma iinei le mea e nonofo ai.

“Ou te va’aia uma mea i totonu o le aiga ma ou te tino malosi fo’i i le faiga o mea’ai. O le fa’ato’aga ma fanua e aumai ai a matou mea’ai ma ia a’u a ia, e le’o se mea faigata. 

“O matou vai fo’i e aumai mai le vai o lenei mauga.

“A fa’apea o oe o se tagata e te fa’alagolago i le fanua, ia o le tele fo’i na o lou tomai e maua mai le faiga o le olaga faifa’ato’aga.

“E saogalemu a lenei itu ma e lelei fo’i e mamao mai le taulaga.

“O a’u e le fia umi tele ona ou alu i Apia, e tele a na ou te fia sau i tua nei.

“O le ele’ele a lea sa ou ola ifo ai.

© Samoa Observer 2016

Developed by Samoa Observer in Apia