Taimi mo aiga - O taimi taua ia

Tusia Seia Soloi ma Aruna Lolani ,

90 Hits

le tama ia Atonio Atonio, 40-tausaga le matua mai le adioaga o Falefa.

le tama ia Atonio Atonio, 40-tausaga le matua mai le adioaga o Falefa.

I lenei vaitau i le tele o suiga o le olaga o nisi o tagata ua faamuamua le tele o le oa ma le tamaoaiga ae ua galo ai aiga ma fanau

Ma e tusa lava po o le a le tele o faalavelave fai i totonu o aiga ae e faamuamua lava fanau aua so latou lumanai manuia.

Mo le tama ia Atonio Atonio, 40-tausaga le matua mai le adioaga o Falefa o lana faamuamua e mo lona aiga aemaise lana fanau

“Ua tele tausaga o matou nonofo i leisi itu o le matou fanua ae ina ua maliu lo’u tina i nai vaiaso ua tuanai ua tonu ai loa le matou toe omai matou te nonof i uta nei” o lana tala lea i le Fofoga o Samoa

“Lea faatoa foi mai uta le maumaga sa taina maia foi nisi o laau mo le fausia ai lea o se matou fale tau ina amata ai le aiga nei

“E mo a’u lava ia o le tama e tatau ona ou malosi aua le faatinoina o feau ma galuega a lo’u aiga aemaise ai lea ua sui le mea matou te nonofo ai

“O lenei olaga ua na’o le tama ma le tina ma le fanau lava; leai lava seisi mea o iai ma e le taulia ai le ola faalagolago i nisi sei vagana lava nai aiga o lo’o i fafo o lo’o ofo mai le fesoasoani i nisi o taimi

Ua avea le fanau a Atonio ma luitau ia te ia e galue malosi ai mo lona aiga ma mea fai i totonu o lona aiga

“To’afa le fanau o lo’o ao’oga ma ii le toaono ma o lo’o ave uma iai lo’u lagolago iai.

“Ma o le ala foi lea ua tonu a ii lo’u mafaufau ina ia mal;olo teisi ma ii galuega masani ae faamuamua mea fai a le aiga

“Aua o mea uma lava e fai e faamuamua lava aiga ma fanau tusa lava po o le a

“O le tupe e maua ma ii lla’u galuega e totogi ai pili aoga o le fanau aemaise pili o le suavai ma le moli

“O nisi o tagata ua mafaufau o le tupe ua faatino ai mea uma e sese

“Le a e maua faatoaga e maua fua mai ai le meaai mo aiga ma fanau

O lona talitonuga ua taugata tele le soifuaga ua iai nei

“Taugata mea uma i lenbei olaga ua iai

“Ae e le mafia ona tatou ‘aloese mai ai aua ua masani ai lava o tatou tagata ma ii le amataga

“O le olaga lava ia e faapena ma e tatau foi ona talia aua se manuia o aiga ma fanau ma lo latou luymanai

“O le tiute lava ia faale-tama out e manao ina ia maua e lo’u aiga le fiafia ma maua mea uma i soo se taimi aua le fesoasoani i aiga ma fanau

“Ma e le tatau foi ona tatou faitio aua o le olaga nei e le toe faigofie mea uma ma e taua ai tele lou galue lava o oe ia mo lou aiga.

© Samoa Observer 2016

Developed by Samoa Observer in Apia