O le alofa-faaletuaoia o matua i fanau e tusa lava pe timu ma laina i le tele o aso ae ia manuia fanau mo le lumanai.

A faatamala foi matua ua faavaivaia foi fanau ma lo latou ola taumafai ane.

O nisi nei o tala o lo’o teu i le mafaufau o le tama ia Sefo Pesamino, 56 tausaga le matua mai i le afioaga o Faleasiu. O lo’o galue malosi  mo le fanau.

O le popolega o le tama ina nei le mafia ona tautua mo lona aiga aemaise o lana famau o lo’o ave iai ;ana faamamafa.

Na maua atu e le Fofoga o Samoa le tama ua maea mai lana galuega i le faatoaga o lo’o agai ma ii lona fale i le mamafa ai o timuga i le aso ananafi.

‘O galuega uma nei e mo fanau ma aiga” o lana tala mai lea.

“O lo’u matua ua iai nei e talia gata i nisi o tagata aua na’o le nofo lava i le fale ae o a’u out e malosi lava e galue mo lo’u aiga out e le manao foi e ola falolo lo’u aiga i le fia aai.

“O la’u tautua mo lo’u aiga o le totoina o le talo ma togalaau aina ina ia mautinoa ai o lo’o lava le itu tau meaai mo lo’u aiga pe a lelava se tupe maua mo le ola a ii aso uma.

Na ia faailoa foi o le fesuisuia’i mai o le tau o leisi le atulaga faigata mo ia.

“Ua lau silafia uma lava suiga tetele o l etau ua iai nei ae e le taofia ai lava a’u out e galue ai mo lo’u aiga.

O le galue faatoaga lava le galuega a lenei tama talu mai lona olga talavou.

“Ua leva ona ou faifaatoaga ma e oo mai lava i le taimi nei o lo’o faia lava manu o lo’o maua le malosi.

“O galuega uma lenei e mo fanau ina ia maua le meaai mo aso uma ina ia fai ane o latou aiga i le lumanai ae o lo’o iloa foi ona tausi a latou fanau.

“O le faafitauli lava ia ua masani ai o le lelava o seleni i aiga ae o le taumafai lava tusa lava po o lea le matua ua iai nei e galue lava.

Na ia taua foi na ia lona manatu mo sana galuega ae ua lava lea ma totoe mo ia.

“E iai nisi o taimi out e le fiafia ai lava a’u ia ia te a’u faapea o le leai o sa’u galuega ae e leai e eseese lava auala a le Atua i le tagata ma lana galuega e fai aua se manuia o lona aiga ma lanai a fanau mo le lumanai.