Amata a’oa’oga mo e tausia tagata

Tusia Pai Mulitalo Ale ma Faaliliu e Seagaitumua Tupuola ,

382 Hits

O E TAUSIA TAGATA : O e na auai i le aoaoga faatasi ai ma ofisa mai le S.V.S.G. ma le A.P.T.C.

O E TAUSIA TAGATA : O e na auai i le aoaoga faatasi ai ma ofisa mai le S.V.S.G. ma le A.P.T.C.

O le Vega mo e Puapugatia a Samoa (S.V.S.G.) o loo galulue faa-paaga ma le Australia Pacific Technical College (A.P.T.C.) e a’oa’o e tausia tagata i totonu o Samoa.

O loo latou faatinoina lea tulaga e ala i se polokalame tau aoaoga na amata i lenei vaiaso. Fai mai le Peresetene o le S.V.S.G. o Siliniu Lina Chang o lea taumafaiga ua faaopoopo atu ai se tulaga taua tele i le galuga a le Vaega e ala i le tuuina atu o le tausiga ma le alofa mo le atunuu.

Mo le Faa-Tama o lea Vaega, o Tuisugaletaua Sofara Aveau, o se laasaga uiga ese lenei mo le S.V.S.G. O se auaunaga tau lagolago uiga ese lenei e le gata mo tagata matutua a’o le atunuu ma o latou mana’oga faapitoa ma tamaiti,” o lana faaaliga lea.

Na ia toe ta’ua e faapea o le aoaoga e pei ona faatinoina i lenei vaiaso e uiga i le tausiga o tagata –o le a fesoasoani lea i le atunuu. “O lenei galuega e le o iloa e le toatele talu ai-o loo i ai tagata o loo faatinoina lea galuega i aso uma,” o lana faaaliga lea.

“Ae tusa ai ma lenei polokalame, o le a faateleina le iloa o i latou e auai ma aoaoina nisi lava faiga se tele e uiga i le faatinoina o lenei galuega.” Fai mai le Pule i totonu o le Atunuu o le A.P.T.C. o Pat Vella, o lea aoaoga ua tuuina atu se poto masani mo le soifuaga i aso uma.

Fai mai lea Tamaitai o lea aoaoga o le a fesoasoani lea i tagaata ia e masani ona nonofo i aiga e tausi tagata o aiga. Mo le aoaoga muamua na fai i Upolu, e 30 i latou na auai.

Na faafetaia e Siliniu le lagolago alofa a i latou na faafoeina e pei  o le  ANZ Bank, CCK, Federal Pacific, Lesa Telephone ma Tagaloa Aolele Godinet ma isi.

© Samoa Observer 2016

Developed by Samoa Observer in Apia